+7 (701) 759 90 19
25 °С : نۇر-سۇلتان
32 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

قوردايدان شۋعا اتتانعان 500 گە جۋىق دۇنگەن وتباسى 150 گەكتار جەرگە پياز وسىرۋدە

5 شىلدە 14:40
:ءبولىسۋ
قوردايدان شۋعا اتتانعان 500 گە جۋىق دۇنگەن وتباسى 150 گەكتار جەرگە پياز وسىرۋدە

تاراز. قازاقپارات - كوكتەمدە جامبىل وبلىسىنىڭ قورداي اۋدانىنىندا ءداستۇرلى تۇردە كوكونىس داقىلدارىن وسىرۋمەن اينالىساتىن دۇنگەن وتباسىلارى شۋ اۋدانىنا اتتانعان بولاتىن، دەپ حابارلايدى قازاقپارات ءتىلشىسى.

شۋ اۋدانىنا جۇمىس ساپارى بارىسىندا جامبىل وبلىسىنىڭ اكىمى بەردىبەك ساپاربايەۆ فەرمەر لۇقمار ساندۋروۆ پەن تاعى ەكى وتباسىنىڭ ەگىس القاپتارىنا اتباسىن بۇردى. ولار 150 گەكتار جەرگە پيازدىڭ «ماناس» سورتىن وسىرۋدە. بۇل تۋرالى وبلىس اكىمىنىڭ باسپا ءسوز قىزمەتى حابارلادى.

«ماسانشى اۋىلىنىڭ تۇرعىندارى ماگيسترالدى كانالدىڭ جاعاسىنا قۋاتتى سورعىش پەن سۋ رەزەرۆۋارىن ورناتىپ، سول ارقىلى تامشىلاتىپ سۋارۋ ءادىسىن قولدانىپ وتىر. ديقانشىلاردىڭ ايتۋىنشا، بيىل ولار ءبىر گەكتاردان كەم دەگەندە 80 توننادان پياز جيناۋعا نيەتتى. ءونىمىن ەلىمىزدىڭ ءار ايماقتارىنا جەتكىزبەك» دەلىنگەن باسپا ءسوز قىزمەتىنىڭ حابارلاماسىندا.

ايتا كەتۋ كەرەك، بيىل قورداي اۋدانىنان 467 دۇنگەن وتباسى شۋعا كەلىپ، ەگىس جۇمىستارىن جۇرگىزۋ ءۇشىن 8300 گەكتاردان استام جەر العان. قورداي اۋدانىنداعى قايعىلى وقيعالاردان كەيىن كەيبىرەۋلەر دۇنگەن اعايىننىڭ ىسكەرلىك بەلسەندىلىگىنە قاتىستى تەرىس بولجام جاساعان بولاتىن. دەگەنمەن، بۇگىنگى تاڭدا بۇل ەڭبەكقور حالىقتىڭ وكىلدەرى وزدەرىنىڭ سۇيىكتى ىسىمەن اينالىسىپ، قۇنارلى شۋ وڭىرىندە ەگىستىك جۇمىستارىن ءساتتى جۇزەگە اسىرۋدا.

بەردىبەك ساپاربايەۆ ل. ساندۋروۆقا پياز ءوسىمىنىڭ جاقسى جاعدايى ءۇشىن ريزاشىلىعىن جەتكىزىپ، قولدانىلعان تىڭايتقىشتىڭ ساپاسى، جۇمىلدىرىلعان ەڭبەك كۇشى مەن جالاقى مولشەرى تۋرالى سۇرادى. سونىمەن قاتار، ءونىمدى كەلەسى كوكتەمگە دەيىن شىعىنسىز ساقتاپ وتىرۋ ءۇشىن قولايلى قويما سالۋعا كەڭەس بەردى.


اۆتور: قاجى مۇرات


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات