پوستدوكتورانتتارعا ەڭبەكاقىسى 500 مىڭ تەڭگە بولاتىن 1000 گرانت بولىنەدى
20 مامىر 13:27

پوستدوكتورانتتارعا ەڭبەكاقىسى 500 مىڭ تەڭگە بولاتىن 1000 گرانت بولىنەدى

نۇر- سۇلتان. قازاقپارات - بيىلدان باستاپ 500 عالىم الەمنىڭ جەتەكشى عىلىمي ورتالىقتارىندا تاعىلىمدامادان وتەدى. بۇل تۋرالى سەناتتاعى جاستاردى قولداۋ تاقىرىبىنا ارنالعان پارلامەنتتىك تىڭداۋدا پرەمەر- ءمينيستردىڭ ورىنباسارى ەرالى توعجانوۆ ءمالىم ەتتى، دەپ حابارلايدى قازاقپارات ءتىلشىسى.

«بۇگىندە ۇكىمەت عىلىمداعى جاستار سانىن ارتتىرۋ باعىتىندا كەشەندى جۇمىستار جۇرگىزۋدە. جاس عالىمدار ۇلەسىن % 50- عا نەمەسە 17 مىڭ ادامعا دەيىن ۇلعايتۋ مىندەتىن قويىپ وتىرمىز. بۇل ءۇشىن جاس عالىمداردىڭ يدەيالارىن قارجىلاندىرۋ بويىنشا ارنايى كونكۋرستار وتكىزىلەدى. قازىردىڭ وزىندە جالپى قۇنى 26 ميلليارد تەڭگە بولاتىن 451 جوبا قارجىلاندىرىلىپ جاتىر»، - دەدى ە. توعجانوۆ.

ونىڭ ايتۋىنشا، العاش رەت «جاس عالىم باعدارلاماسى اياسىندا پوستدوكتورانتتارعا ەڭبەكاقىسى 500 مىڭ تەڭگە بولاتىن 1000 گرانت بولىنەدى. «بيىلدان باستاپ جىل سايىن 500 عالىم الەمنىڭ جەتەكشى عىلىمي ورتالىقتارىندا تاعىلىمدامادان وتەدى»، - دەدى ۇكىمەت باسشىسىنىڭ ورىنباسارى.

بۇدان بۇرىن حابارلانعانداي، سەنات ءتوراعاسى م. اشىمبايەۆ بارلىق رەفورمانىڭ تۇپكى ماقساتى دا جاستاردىڭ ءال- اۋقاتىن ارتتىرۋعا ءارى ولاردىڭ دامۋىنا جاعداي جاساۋعا ارنالعانىن اتاپ ءوتتى. سونىمەن قاتار ول ۋنيۆەرسيتەت بىتىرگەن تۇلەكتەرگە ەڭبەك نارىعىندا سۇرانىس جوق ەكەنىن ايتتى.

اۆتور: رۋسلان عابباسوۆ


جاڭالىقتار