ءۇندىستاندا تەرمومەتر باعانى 50 گرادۋستان اسىپ كەتتى: 29 ادام اجال قۇشتى

None
None
نۇر- سۇلتان. قازاقپارات - ءبىر ايدان بەرى ءۇندىستاننىڭ سولتۇستىگى مەن شىعىسىن اپتاپ ىستىق بۋىپ تۇر. ەلدىڭ سولتۇستىك شىعىسىنداعى بيحار شتاتىندا كەم دەگەندە 29 ادام كوز جۇمدى، دەپ حابارلايدى Times of India گازەتى.

باسىلىمنىڭ دەرەكتەرىنە سايكەس، قايتىس بولعانداردىڭ باسىم بولىگى - 25 ادام اۋرانگاباد وكرۋگىنىڭ تۇرعىندارى، قالعان تورتەۋى ناۆادا جانە گايا وكرۋگتەرىنەن. بۇلاردان باسقا تاعى 30-دان استام ادام اۋرۋحاناعا جاتقىزىلعان. بيحاردا سوڭعى بىرنەشە اپتا بويى بۇل ماۋسىمعا ءتان ەمەس اپتاپ ىستىق ساقتالىپ تۇر. تەرمومەتر باعانى كۇندىز 40 گرادۋستان تومەن تۇسپەيدى. ال نيۋ- دەليدە 10 - ماۋسىمدا 50 گرادۋستان اسىپ كەتتى. بۇل ءۇندىستان استاناسى تاريحىنداعى ەڭ جوعارى تەمپەراتۋرا. بيىل مۋسسوننىڭ ءۇندىستانعا كەشىگۋى اۋا رايىنىڭ ۇزاق ۋاقىت ىستىق بولۋىنا سوقتىردى. سينوپتيكتەردىڭ اتاپ وتۋىنشە، 30 كۇننەن بەرى اپتاپتىڭ بەتى قايتپاي وتىر.

سوڭعى جاڭالىقتار