ب ۇ ۇ: 50 جىلدان كەيىن جانۋار مەن وسىمدىكتىڭ 1 ميلليون ءتۇرى جويىلىپ كەتۋى مۇمكىن
بۇل تۋرالى ب ۇ ۇ قورشاعان ورتا جونىندەگى باعدارلاماسىنىڭ ديرەكتورى ينگەر اندەرسەن مالىمدەدى.
«قازىر جەر بەتىندە وسىمدىك پەن جانۋاردىڭ 8,7 ميلليون ءتۇرى بار، ءبىراق ءبىز 50-100 جىلدان كەيىن ونىڭ 1 ميلليونىن جوعالتىپ الۋىمىز مۇمكىن. ول ەكوجۇيەگە اجەپتاۋىر اسەر ەتەدى.
ەكوجۇيە وتە سەزىمتال بالانسپەن جۇمىس ىستەيدى. ول جاۋىن-شاشىن، تازا سۋ، تازا اۋاعا جاۋاپ بەرەدى. سوندىقتان ءبىزدىڭ بيوالۋانتۇرلىكتى جوعالتىپ الۋعا قاقىمىز جوق.
اريتيكا مۇزىنىڭ ەرۋى، اۋسترالياداعى ءورت، رەسەيدىڭ سولتۇستىگىندەگى شىجىعان ىستىق سياقتى انوماليانى تابيعي قۇبىلىس دەپ ايتۋ قيىن. ەگەر ماڭگىلىك مۇزداردىڭ ەرىگەنىن قالاماساق، جۇمىلا ارەكەت ەتۋىمىز كەرەك»، - دەيدى اندەرسەن.
ونىڭ ايتۋىنشا، كومپانيالار قازىردەن باستاپ قورشاعان ورتاعا زيان كەلتىرمەيتىن «جاسىل» جۇمىس ورىنداردى اشۋى كەرەك، ال مەملەكەتتەر ەكونوميكا قۇرىلىمىنا وزگەرىس ەنگىزۋى كەرەك.
مىسالى ەلەكتر ەنەرگياسىن جەل، بيوماسسا، كۇن سياقتى قايتا قالپىنا كەلەتىن رەسۋرستاردان وندىرە باستاۋى كەرەك.
massaget.kz