قازاقستاندىق 5 بوكسشى IBF رەيتينگىنە ەندى

نۇر- سۇلتان. قازاقپارات - حالىقارالىق بوكس فەدەراتسياسى (IBF) ورتا سالماقتاعى ۇزدىك بوكسشىلاردىڭ جاڭالانعان رەيتينگىن جاريالادى، دەپ حابارلايدى قازاقپارات.

ايتا كەتسەك، توپ-15 كە قازاقستاننىڭ بىردەن 5 بوكسشىسى ەندى. گەننادي گولوۆكين (40-1-1، 35 ك و) - ورتا سالماقتاعى IBF چەمپيونى بولسا، 10-ورىندا - مەيىرىم نۇرسۇلتانوۆ (13-0، 8 ك و)، 11- پوزيتسيادا - جانىبەك ءالىمحان ۇلى (9-0، 5 ك و). ال 13- ساتىعا اناتولي مۋراتوۆ (22-2-1، 15 ك و) ورنالاستىرىلعان.

ول گەرمانيا اتىنان ونەر كورسەتىپ جۇرگەنىمەن، IBF سايتىندا ول قازاقستان ازاماتى رەتىندە كورسەتىلگەن. سەبەبى مۋراتوۆ تالدىقورعاندا تۋعان. رەيتينگىنىڭ 14-ورنىندا قانات يسلام (27-0، 21 ك و) تۇر.