جەمقورلىق فاكتىسى تۋرالى تاۋلىگىنە 5-6 حابارلاما كەلىپ تۇسەدى - ولجاس بەكتەنوۆ
بۇل تۋرالى بۇگىن وتكەن بريفينگتە سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ءبىرىنشى ورىنباسارى ولجاس بەكتەنوۆ ءمالىم ەتتى، دەپ حابارلايدى قازاقپارات ءتىلشىسى.
«جالپى، جەمقورلىققا قارسى ءىس-قيمىلدا قوعام وكىلدەرىنىڭ بەلسەندىگى ارتىپ كەلە جاتقانىن اتاپ وتكەن ءجون. اگەنتتىك ول ءۇشىن قاجەتتى ينفراقۇرىلىمدى جاساپ كەلەدى. ءبىز اپتاسىنا جەتى كۇن تاۋلىك بويى اشىقپىز. «1424» call- ورتالىعى ارقىلى ەلىمىزدىڭ كەز كەلگەن جەرىنەن جەمقورلىق فاكتىسى تۋرالى حابارلاۋعا مۇمكىندىك بار. كۇن سايىن ناقتى سىبايلاس جەمقورلىق فاكتىسى تۋرالى 5-6 حابارلاما كەلىپ تۇسەدى. بارلىق كەلىپ تۇسكەن اقپاراتقا شۇعىل ارەكەت ەتەمىز»، - دەدى و. بەكتەنوۆ.
بۇدان بۇرىن حابارلانعانداي، بريفينگ بارىسىندا ق ر سىبايلاس جەمقورلىققا قارسى ءىس-قيمىل اگەنتتىگى ەلورداداعى بالاباقشالاردا ورىنداردى ءبولۋ جۇيەسىن جاڭارتۋدىڭ ماقساتتىلىعىن زەرتتەپ جاتقانىن ءمالىم بولدى.
اۆتور: رۋسلان عابباسوۆ