USD 416.91 EUR 446.47
RUB 7.34 CNY 62.53
جاڭالىقتار

مونوپوليستەر تاريفتەردى نەگىزسىز كوتەرگەنى ءۇشىن 5,5 ميلليارد تەڭگە تولەدى

12 مامىر 22:40
:ءبولىسۋ
مونوپوليستەر تاريفتەردى نەگىزسىز كوتەرگەنى ءۇشىن 5,5 ميلليارد تەڭگە تولەدى

نۇر-سۇلتان. قازاقپارات - قازاقستاندا مونوپوليستەر تاريفتەردى نەگىزسىز كوتەرگەنى ءۇشىن 5,5 ميلليارد تەڭگە قارجىنى وتەۋگە ءماجبۇر بولدى.

بۇل تۋرالى ق ر قارجى مونيتورينگى اگەنتتىگىنىڭ باسپا ءسوز قىزمەتىنەن ءمالىم بولدى، دەپ حابارلايدى قازاقپارات.

باسپا ءسوز قىزمەتىنىڭ دەرەكتەرىنە قاراعاندا، ق ر قارجى مونيتورينگى اگەنتتىگى مەملەكەت باسشىسىنىڭ تاپسىرماسىن ورىنداۋ ماقساتىندا كوممۋنالدىق قىزمەتتەرگە تاريفتەردى قالىپتاستىرۋعا اسەر ەتەتىن نەگىزسىز شىعىنداردى انىقتاۋ بويىنشا جۇمىس جۇرگىزىپ جاتىر.

وسىعان قاراي 16 كاسىپورىن مەن 2 لاۋازىمدى تۇلعاعا قاتىستى جۇرگىزىلگەن كەشەندى جۇمىستاردىڭ ناتيجەسىندە جىلۋمەن، ەلەكترمەن، سۋمەن جانە گازبەن قامتۋ سالاسى بويىنشا 21 سوتقا دەيىنگى تەرگەپ-تەكسەرۋ جۇمىستارى باستالدى.

«بۇگىنگى تاڭدا اتالعان ىستەردىڭ بارلىعى بويىنشا كەلتىرىلگەن 5,5 ميلليارد تەڭگەگە زالال وتەلدى جانە 1,9 ميلليارد تەڭگەنىڭ مۇلكىنە توقتام سالىندى»، - دەلىنگەن حابارلامادا.

ماسەلەن، اتىراۋ وبلىسىندا قۇلسارى قالاسى مەن جاڭا قاراتون كەنتىندەگى جىلۋ جەلىلەرىن، سۋ قۇبىرلارىن جانە كارىز قۇبىرلارىن جوندەۋ كەزىندە قارجى جىمقىرۋ، سونداي-اق ارتىق تولەم جاساۋ فاكتىلەرى بويىنشا ىستەر تەرگەلىپ جاتىر.

ق م ا اۋماقتىق دەپارتامەنتىنىڭ جۇمىسىنىڭ قورىتىندىسى بويىنشا اتالعان ەلدى مەكەندەردەگى ەكى مونوپوليست تاريفتى تومەندەتۋ ماسەلەسى قايتا قارالدى:

- اتىراۋ قالاسىنداعى كوتەرمە گاز تۇتىنۋشىلارى ءۇشىن بيىلعى جىلدىڭ سوڭىنا دەيىن 17 مىڭ تەڭگەدەن 0 تەڭگەگە دەيىن 2,5 ميلليارد تەڭگە شىعىن وتەلدى؛

- قۇلسارى قالاسى مەن جاڭا قاراتون اۋىلىنداعى قاراپايىم سۋ تۇتىنۋشىلارى ءۇشىن %30 دان %40 عا دەيىن.

اقمولا وبلىسىندا ليتسەنزياسىز قىزمەتپەن اينالىسۋ فاكتىسى بويىنشا ەنەرگيامەن جابدىقتاۋشى كومپانياعا قاتىستى ءىس تەرگەلاپ جاتىر. قابىلدانعان شارالاردىڭ ناتيجەسىندە اتالعان ۇيىمنىڭ تاريفىنەن نەگىزسىز قارجى جيناۋ جۇمىستارىنا تىيىم سالىندى. بۇل ءاربىر ابونەنتكە اي سايىن 2,5 مىڭ تەڭگەگە دەيىن ۇنەمدەۋگە مۇمكىندىك بەردى.

ءدال وسى وبلىستا ءمونوپوليستتىڭ تەمىرجول تراسساسىن بەرگەنى ءۇشىن تاريف باعاسىن نەگىزسىز اسىرا باعالاۋ فاكتىسى انىقتالدى.

كاسىپكەرلەردەن زاڭسىز ءوندىرىپ العان جالپى سوماسى 232 ميلليون تەڭگەنى قۇرادى. سوتقا دەيىنگى تەرگەۋ باستالدى، ونىڭ اياسىندا ءتيىستى تاريفتى تومەندەتۋ ماسەلەسى شەشىلەتىن بولادى. وسىنداي زاڭ بۇزۋشىلىقتار اقتوبە، جامبىل، قىزىلوردا جانە ماڭعىستاۋ وبلىستارىندا دا انىقتالدى. بارلىق جاعدايلاردا تومەندەتىلگەن تاريفتەر ەنگىزىلدى نەمەسە قايتا ەسەپتەلدى.

«قارجىلىق مونيتورينگ اگەنتتىگى باعالار مەن تاريفتەردى نەگىزسىز كوتەرۋ فاكتىلەرىنىڭ الدىن الۋ بويىنشا جۇيەلى جۇمىستى جالعاستىرۋدا»، - دەلىنگەن باسپا ءسوز قىزمەتى تاراتقان اقپاراتتا.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات