USD 416.91 EUR 446.47
RUB 7.34 CNY 62.53
جاڭالىقتار

گەرمانيا قازاقستان ەكونوميكاسىنا 5,5 ميلليارد دوللار ينۆەستيتسيا سالدى

12 مامىر 17:07
:ءبولىسۋ
گەرمانيا قازاقستان ەكونوميكاسىنا 5,5 ميلليارد دوللار ينۆەستيتسيا سالدى

نۇر-سۇلتان. قازاقپارات - گەرمانيا 2005-جىلدان بەرى قازاقستان ەكونوميكاسىنا 5,5 ميلليارد دوللار تىكەلەي ينۆەستيتسيا سالدى.

بۇل تۋرالى ق ر پرەمەر-ءمينيسترىنىڭ ءبىرىنشى ورىنباسارى رومان سكليار ايتتى، دەپ حابارلايدى قازاقپارات ءتىلشىسى.

«پاندەميادان تۋىنداعان شەكتەۋلەر جاعدايىندا ءبىز ەكىجاقتى ەكونوميكالىق ىنتىماقتاستىقتى دامىتۋ تەندەنتسياسىن ساقتاپ قانا قويماي، سونىمەن بىرگە ونلاين فورماتتى بارىنشا پايدالانا وتىرىپ، ناقتى جوبالار مەن ۇسىنىستاردى ىلگەرىلەتە الدىق. بۇگىندە گەرمانيا قازاقستاننىڭ ماڭىزدى سەرىكتەسى بولىپ وتىر. ساۋدا-ەكونوميكالىق ىنتىماقتاستىقتى تەرەڭدەتۋگە، ينۆەستيتسيالاردى ىنتالاندىرۋعا جانە ءوزارا قورعاۋعا باعىتتالعان ءبىرقاتار ۇكىمەتارالىق كەلىسىم جۇمىس ىستەيدى»، - دەدى رومان سكليار ەلوردادا ءوتىپ جاتقان قازاقستان-گەرمان بيزنەس فورۋمىندا.

ونىڭ اتاپ وتۋىنشە، ەكى ەلدىڭ ىنتىماقتاستىعى قازىرگى ۋاقىتتا دا ءساتتى دامىپ كەلە جاتىر.

مەملەكەت باسشىسى قاسىم-جومارت توقايەۆتىڭ 2019- جانە 2020-جىلدارداعى گەرمانياعا ساپارىنان كەيىن ءوزارا قارىم-قاتىناس قارقىن الا ءتۇستى.

«بىرلەسكەن ينۆەستيتسيالىق جوبالاردى جۇزەگە اسىرۋ بارىسىندا تۋىندايتىن سۇراقتار مەن ماسەلەلەردى شەشۋگە باعىتتالعان ۇكىمەتتىك جۇمىس توبى قۇرىلدى. سونىمەن قاتار ىنتىماقتاستىقتىڭ اعىمداعى ماسەلەلەرىن تالقىلاۋ ءۇشىن گەرمانيالىق كومپانيالارمەن اي سايىن، ونىڭ ىشىندە ونلاين فورماتتا دا كەزدەسۋلەر وتكىزىلەدى. ينۆەستيتسيا تۇرعىسىنان الىپ قاراساق، 2005-جىلدان بەرى ءبىزدىڭ ەكونوميكامىزعا گەرمانيادان شامامەن 5,5 ميلليارد دوللار تىكەلەي ينۆەستيتسيا قۇيىلدى. ونىڭ باسىم بولىگى وڭدەۋ ونەركاسىبىنە سالىندى»، - دەدى ول.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات