بيىلعى ءۇش ايدا قازاقستاننان 5,5 مىڭ ادام كوشىپ كەتكەن
ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسى كوشى- قون قىزمەتى ورگاندارىنا سىلتەمە جاساپ ءمالىم ەتۋىنشە، 2021 -جىلعى قاڭتار- ناۋرىزدا 2066 ادام ەلىمىزدە تۇرعىلىقتى تۇرۋ ءۇشىن تىركەلدى. قازاقستاننان كەتكەندەر سانى - 5519 ادام. كوشى- قوننىڭ ايىرىمى -3453 ادامدى قۇرادى.
«ەلىمىزدەگى نەگىزگى كوشى- قون الماسۋى تمد مەملەكەتتەرىمەن وتۋدە. ت م د ەلدەرىنەن كەلگەندەردىڭ جانە سول ەلدەرگە كەتكەندەردىڭ كوشىپ- قونۋشىلاردىڭ جالپى سانىنان ۇلەسى %83,1 جانە %82,0 قۇرادى»، - دەدى ۆەدومستۆودان.
سونداي- اق اقپاراتقا سايكەس، ەل ىشىندە قونىس اۋداراتىندار سانى %9,5 ازايعان. ءوڭىرارالىق قونىس اۋدارۋ بويىنشا حالىق كوشى- قونىنىڭ وڭ ايىرىمى ەلىمىزدىڭ 4 وڭىرىندە بايقالدى: الماتى (7955 ادام) ، شىمكەنت (5681 ادام)، نۇر- سۇلتان (6260 ادام) قالالارىندا جانە ماڭعىستاۋ وبلىسىندا (319 ادام) .