قازاقستاننىڭ تولەم جۇيەسى ارقىلى مينۋتىنا 5,4 ميلليارد تەڭگە وتەدى
«2019-جىلدىڭ 9 ايىندا قازاقستان ۇلتتىق بانكىنىڭ تولەم جۇيەلەرى ارقىلى 597,2 تريلليون تەڭگە سوماعا 30,6 ميلليون ترانزاكتسيا جۇرگىزىلدى. بۇل رەتتە كۇن سايىن ۇلتتىق تولەم جۇيەلەرى ارقىلى جالپى سوماسى 3,3 تريلليون تەڭگەگە 167,7 مىڭ تولەم جۇرگىزىلەدى، ياعني مينۋت سايىن وپەراتسيالىق كۇندەرى 5,4 ميلليارد تەڭگەدەن استام اقشا وتەدى»، دەلىنگەن حابارلامادا.
«تۇتاستاي العاندا، 2019-جىلى ۇلتتىق بانكتىڭ تولەم جۇيەلەرىنىڭ (بانكارالىق اقشا اۋدارۋ جۇيەسى جانە بانكارالىق كليرينگ جۇيەسى) جۇمىس ىستەۋ كوەففيتسيەنتى %99,99 دى قۇرادى. بۇل بەلگىلەنگەن نىسانالى كورسەتكىشتەردەن اسادى جانە تولەم جۇيەلەرى جۇمىس ىستەۋىنىڭ جوعارى تيىمدىلىگىن سيپاتتايدى»، - دەپ حابارلادى ۇلتتىق بانكتىڭ تولەم جۇيەلەرى دەپارتامەنتىنىڭ ديرەكتورى ەرلان اشىقبەكوۆ.
2019-جىلعى 1- قازانداعى جاعداي بويىنشا قازاقستاننىڭ تولەم نارىعىندا بارلىعى 17 تولەم جۇيەسى جۇمىس ىستەيدى، ونىڭ ىشىندە وپەراتورى ۇلتتىق بانك بولاتىن ۇلتتىق تولەم جۇيەلەرى جانە اقشا اۋدارىم جۇيەلەرى جانە تولەم كارتالارى جۇيەلەرى جاتاتىن جەكە تولەم جۇيەلەرى بار.