+7 (701) 759 90 19
28 °С : نۇر-سۇلتان
29 °С : الماتى
USD 411.66 EUR 465.92
RUB 5.81 CNY 58.79
جاڭالىقتار

قارجى پيراميدالارى: الدىن الا شىعىن - 5,4 ميلليارد تەڭگە، 9 ادامعا ىزدەۋ جاريالاندى

25 اقپان 09:30
:ءبولىسۋ
قارجى پيراميدالارى: الدىن الا شىعىن - 5,4 ميلليارد تەڭگە، 9 ادامعا ىزدەۋ جاريالاندى

نۇر-سۇلتان. قازاقپارات – ق ر ىشكى ىستەر مينيسترلىگى قارجى پيراميدالارى مەن لومباردتارعا الدانعان قازاقستاندىقتاردان ارىز-شاعىمدار ءالى دە ءتۇسىپ جاتقانىن ءمالىم ەتتى، دەپ حابارلايدى قازاقپارات ءتىلشىسى.

«وتكەن جىلدىڭ قازان ايىندا قازاقستاننىڭ 13-ايماعىندا ءبىر ۋاقىتتا ءۇش ج ش س، اتاپ ايتقاندا، «گارانت 24 لومبارد»، « ЕSTATE لومبارد»، «ۆىگودنىي زايم» جۇمىسىن باستادى. اتالعان قارجىلىق كاسىپورىنداردىڭ نەگىزىن قالاۋشىلار مەن باسشىلارى - اقتوبە وبلىسىنىڭ تۋمالارى. ولار وسى كومپانيالاردىڭ زاڭسىز جۇمىسىن ۇيىمداستىرعان»، - دەپ حابارلادى ءى ءى م- نەن.

كومپانيالاردىڭ جايلى كەڭسەلەرى بار ايماقتىق وكىلدىكتەرى اشىلعان، جالعان ديرەكتورلارى تاعايىندالىپ، قىزمەتكەرلەر شتاتى قۇرىلعان. سولايشا، ازاماتتاردىڭ مۇلكى مەن اقشاسىن جىمقىرۋ سحەماسى جاسالعان. سالىمشىلاردىڭ سانىن كوبەيتۋ ءۇشىن قازاقستان ەستراداسىنىڭ جانە سپورت سالاسىنىڭ جۇلدىزدارى تارتىلىپ، اۋقىمدى جارنامالىق كامپانيا جۇرگىزىلگەن.

«WhatsApp مەسسەندجەرى ارقىلى ج ش س باسشىلارى چات قۇرىپ، وعان بارلىق سالىمشىلار قوسىلعان. اتالعان ج ش س-لار ازاماتتاردان جىلجيتىن جانە جىلجىمايتىن مۇلىكتەرىن قىمبات باعامەن ءبولىپ تولەۋ ارقىلى ساتىپ العان. كەيىنگى 3-5-ايدا كەلىسىم سوماسىنىڭ ءبىر بولىگىن بەرگەن. ال وسى ۋاقىتتا قابىلدانعان مۇلىكتەر ءۇشىنشى تۇلعالارعا نارىقتاعىدان تومەن باعاعا ساتىلىپ وتىرعان»، - دەدى ۆەدومستۆودان.

بۇدان بولەك، اتالعان كومپانيالار اي سايىنعى سومادان 30 دان %40 دەيىن سىياقى تولەۋگە ۋادە بەرىپ، كليەنتتەردەن دەپوزيتتىك سالىمدار قابىلداعان. بارلىق اقشا باس كەڭسەگە ءتۇسىپ وتىرعان.

2020 -جىلدىڭ 15-اقپانى كۇنى ج ش س باسشىلارى ءوز جۇمىسىن ءبىر ۋاقىتتا توقتاتىپ، جىمقىرىلعان اقشامەن ءىز سۋىتىپ كەتكەن. 19-اقپان كۇنى «گارانت 24 لومبارد» ج ش س قۇرىلتايشىسى، 1993 -جىلعى مىرزابەكوۆ اسلان پازىلجان ۇلى WhatsApp چاتىندا سالىمشىلارىنا «اقشالارىڭىزدى قايتارمايمىن! وڭاي ولجاعا كەنەلگىسى كەلگەندەر! بارىڭە قوش!» دەگەن جازبا قالدىرعان.

ءدال سول كۇنى ىشكى ىستەر ورگاندارىنا مۇلكى مەن اقشاسىنان ايىرىلعان ايماق- ايماقتارداعى ادامداردان شاعىمدار تۇسە باستادى. وسىدان كەيىن ءىىم تەرگەۋ دەپارتامەنتى مەن ايماقتىق پوليتسيا دەپارتامەنتتەرىنىڭ قىزمەتكەرلەرىنەن قۇرىلعان جەدەل تەرگەۋ توبى قۇرىلدى.

«بۇگىنگە دەيىن 2 مىڭعا تارتا شاعىم ءتۇستى. كومپانيالاردىڭ ايماقتارداعى بارلىق كەڭسەسىنە ءتىنتۋ جۇرگىزىلىپ، بىرلەسكەن جۇمىس تۋرالى كەلىسىمدەر، بۋحالتەرلىك قۇجاتتامالار، نوۋتبۋكتار، ورگتەحنيكا، زەرگەرلىك بۇيىمدار مەن وزگە دە زاتتار تاركىلەندى. تاركىلەنگەن قۇجاتتارعا سايكەس كومپانيالار 42 مىڭ اداممەن كەلىسىمگە كەلگەن. الدىن الا ەسەپتەلگەندەي، شىعىن مولشەرى 5 ميلليارد 411 ميلليون تەڭگە بولىپ وتىر»، - دەلىنگەن ءى ءى م حابارلاماسىندا.

قازىرگى ۋاقىتتا ق ر قىلمىستىق كودەكسىنىڭ 190-بابى (الاياقتىق) جانە 217-بابى (قارجى پيراميداسى) بويىنشا 22 قىلمىستىق ءىس قوزعالىپ، 13 ادام قاماۋعا الىنعان. 9 كۇدىكتىگە مەملەكەتارالىق ىزدەۋ جاريالاندى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات