اۋىل شارۋاشىلىعىنىڭ نەگىزگى كاپيتالىنا ينۆەستيتسيالار لەگى سوڭعى 5 جىلدا 3 ەسەگە ۇلعايدى

None
None
نۇر-سۇلتان. قازاقپارات - قازاقستاننىڭ اۋىل شارۋاشىلىعىنىڭ نەگىزگى كاپيتالىنا ينۆەستيتسيالار لەگى 3 ەسەگە ۇلعايدى.

بۇل تۋرالى سەنات دەپۋتاتتارىنىڭ ساۋالىنا ق ر پرەمەر-ءمينيسترى ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«سوڭعى جىلدارى مەملەكەتتىك قولداۋ شارالارىن ىسكە اسىرۋ ارقاسىندا ەلدىڭ اگروونەركاسىپ كەشەنىن دامىتۋدىڭ وڭ سەرپىنى بايقالۋدا. ماسەلەن 5 جىل ىشىندە جالپى ءونىم كولەمى 2 ەسەگە ارتتى (7,4 تريلليون تەڭگە)، اۋىل شارۋاشىلىعىنىڭ نەگىزگى كاپيتالىنا ينۆەستيتسيالار لەگى 3 ەسەگە (773,2 ميلليارد تەڭگە) ۇلعايدى»، - دەپ اتاپ وتەدى ۇكىمەت باسشىسى.

ونىڭ ايتۋىنشا، سالانى ودان ءارى ورنىقتى دامىتۋ ماقساتىندا اگروونەركاسىپتىك كەشەندى دامىتۋدىڭ 2025-جىلعا دەيىنگى ۇلتتىق جوباسى جانە اگروونەركاسىپتىك كەشەندى دامىتۋدىڭ 2030-جىلعا دەيىنگى تۇجىرىمداماسى قابىلداندى.

ولاردىڭ نەگىزگى ماقساتى - قارجىلاندىرۋدىڭ قولجەتىمدىلىگىن ارتتىرۋدى، جەر قاتىناستارىن دامىتۋ مەن سالانى تسيفرلاندىرۋدى، اگرارلىق عىلىم مەن ءبىلىمدى جەتىلدىرۋدى، ۆەتەريناريالىق جانە فيتوسانيتاريالىق قاۋىپسىزدىكتى قامتاماسىز ەتۋدى كوزدەيتىن شارالار كەشەنىن قابىلداۋ ارقىلى ەلدىڭ ازىق-تۇلىك قاۋىپسىزدىگىن قامتاماسىز ەتۋ، سونداي-اق اوك ونىمدەرىنىڭ ەكسپورتىن دامىتۋ جانە يمپورتتى الماستىرۋ بويىنشا كەمىندە 582 ينۆەستيتسيالىق جوبانى ىسكە اسىرۋ.

«بۇدان باسقا، ا و ك سۋبسيديالاۋ جۇيەسىن قايتا قاراۋ بويىنشا جۇمىستار جۇرگىزىلۋدە. تۇتاستاي العاندا، سۋبسيديالاۋ جۇيەسى، ەڭ الدىمەن، سۋبسيديالاۋ راسىمدەرىن قىسقارتۋ، ونىڭ باعىتتارىن وڭتايلاندىرۋ، بارلىق سۋبەكتىلەر ءۇشىن قولجەتىمدىلىكتى قامتاماسىز ەتۋ، قازىرگى زامانعى تەحنولوگيالاردى ەنگىزۋدى ىنتالاندىرۋ جانە ا و ك- گە ينۆەستيتسيالار تارتۋ، ناقتى ينديكاتيۆتىك كورسەتكىشتەرگە قول جەتكىزۋ بويىنشا فەرمەرلەردىڭ قارسى مىندەتتەمەلەر الۋ نورماسىن ەنگىزۋ ەسەبىنەن رەفورمالاناتىن بولادى»، - دەدى ءاليحان سمايىلوۆ.

سوڭعى جاڭالىقتار