+7 (701) 759 90 19
13 °С : نۇر-سۇلتان
20 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

شىعىس قازاقستاندا كوروناۆيرۋسپەن اۋىرعاندار سانى 5,3 ەسەگە وسكەن - دانيال احمەتوۆ

8 شىلدە 20:45
:ءبولىسۋ
شىعىس قازاقستاندا كوروناۆيرۋسپەن اۋىرعاندار سانى 5,3 ەسەگە وسكەن - دانيال احمەتوۆ

نۇر- سۇلتان. قازاقپارات - شىعىس قازاقستان وبلىسىندا ءبىر تاۋلىك ىشىندە 135 اۋىرعان جاعداي تىركەلسە، ونىڭ 66-سى سيمپتومدى، 69-ى سيمپتومسىز. بۇل تۋرالى شىعىس قازاقستان وبلىسىنىڭ اكىمى دانيال احمەتوۆ وبلىستاعى COVID-19 جاعدايى تۋرالى تىكەلەي ەفيردە وتكەن بريفينگىدە ايتتى، دەپ حابارلايدى قازاقپارات ءتىلشىسى.

«ءۇش اي كولەمىندە ەل ىشىندە ادامدار از اۋىرعان وبلىستىڭ ءبىرى بولدىق. ءبىز بۇل جاعدايدىڭ ەڭ قيىن اعىمىنا دايىندىقتى باستاعان ەدىك. ءبىرسىپىرا قاجەتتى جابدىقتاردى ساتىپ الدىق. ناۋقاستار سانى كۇرت وسكەن كەزدە قاجەت بولاتىن ينفەكتسيا جانە پراۆيزورلىق توسەك ورىنداردى دايىندادىق. ەڭ العاشقى «ا» جوسپارى بويىنشا ازىرلەنگەن الگوريتمگە سايكەس وبلىستا ءبىرىنشى كوروناۆيرۋس تىركەلگەن كەزدە 100 ينفەكتسيالىق، 411 پراۆيزورلىق، 500 كارانتين ورنى اشىلدى. ءبىز ەپيدەميانىڭ تارالۋ اۋقىمىن بولجاي وتىرىپ «ب»، «س» جانە «گ» جوسپارىن ازىرلەدىك»، - دەيدى وبلىس اكىمى دانيال احمەتوۆ.

ونىڭ ايتۋىنشا، اۋرۋحانالارداعى توسەك- ورىن تاپشىلىعىنا جول بەرمەۋ ماقساتىندا الگوريتم بەكىتىلگەن.

«مىسالى، قازىرگى كەزدە ينفەكتسيالىق اۋرۋحانادا 1770 ورىن، 1896 پروۆيزورلىق ورىن جانە 2590 كارانتين ورنى بار. بۇگىندە وبلىس بويىنشا كوروناۆيرۋس ينفەكسياسىن جۇقتىرعان 2313 جاعداي تىركەلگەن. ونىڭ 1242- ءى - سيمپتومدى، 1071- ءى - سيمپتومسىز. اۋىرعاندار سانى ءبىر اي ىشىندە 5,3 ەسەگە وسكەن. ءبىر تاۋلىك ىشىندە 135 اۋىرعان جاعداي تىركەلسە، ونىڭ 66-سى سيمپتومدى، 69-ى سيمپتومسىز. سەمەي قالاسىندا اۋىرعاندار سانى ازايعانىن، ال وسكەمەندە كوبەيىپ كەلە جاتقانىن بايقاپ وتىرمىز»، - دەيدى ول.

اۆتور: زارينا قاھارمان



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات