+7 (701) 759 90 19 Лента
17 °С : نۇر-سۇلتان
15 °С : الماتى
USD 386.82 EUR 428.67
RUB 5.86 CNY 54.95
جاڭالىقتار

التاي كولگىنوۆ: الداعى 5 جىلدا ەلوردادا 37 مەكتەپ سالۋ قاجەت

14 تامىز 16:49 33
:ءبولىسۋ
التاي كولگىنوۆ: الداعى 5 جىلدا ەلوردادا 37 مەكتەپ سالۋ قاجەت

نۇر-سۇلتان. قازاقپارات - قالا اكىمى استاناداعى مەكتەپ تاپشىلىعى ماسەلەسىن قوزعادى، دەپ حابارلايدى ەلوردا ينفو.

«قازىر ەلوردادا 108 مەكتەپ بار. ونىڭ 87- ءسى - مەملەكەتتىك مەكتەپ، تورتەۋى - رەسپۋبليكالىق، قالعانى - جەكەمەنشىك مەكتەپتەر. بۇگىنگى ۋاقىتتا 1 - قىركۇيەكتە 24 مىڭ بالا مەكتەپ تابالدىرىعىن اتتايدى دەپ كۇتىلۋدە. سالىستىرىپ قاراساق، وتكەن جىلى 18 مىڭ بالا 1 - سىنىپقا بارعان بولاتىن. كورىپ وتىرعانىمىزداي، وقۋشىلار سانى ارتىپ كەلەدى. سوندىقتان قازىرگى ۋاقىتتا 17 مىڭ ورىننىڭ جەتىسپەي جاتقانى بايقالادى. سول سەبەپتى دە 1- قىركۇيەكتە 8 مەكتەپ 3 اۋىسىمدا جۇمىس ىستەيدى دەپ جوسپارلانۋدا.

جالپى، ەلوردانى دامىتۋدىڭ كەشەندى جوسپارى بويىنشا 5 جىل ىشىندە تاعى 37 مەكتەپ سالىنۋى ءتيىس. ءبىراق بۇل تۇرعىدا رەسپۋبليكالىق بيۋدجەتكە عانا يەك ارتپاۋىمىز كەرەك. جاقىندا وتكەن ينۆەستيتسيالىق كەڭەستە 11 جەكەمەنشىك مەكتەپ قولداۋ تاپتى. بۇل جەكە ينۆەستيتسيانىڭ ەسەبىنە سالىنادى دەگەن ءسوز. ءبىز قالاي بولعاندا دا بۇل ماسەلەنى شەشۋىمىز كەرەك. بيىلعى 1 - قىركۇيەككە 8 مەكتەپ، ونىڭ ىشىندە 5 قوسالقى جانە 3 جاڭا مەكتەپ سالىنىپ جاتىر. بۇل ءوز كەزەگىندە مەكتەپتەردەگى 5 مىڭ جاڭا ورىندى قامتيدى»، - دەدى ا. كولگىنوۆ ۇكىمەت ۇيىندە جۋرناليستەردىڭ سۇراعىنا جاۋاپ بەرۋى كەزىندە.

سونداي- اق شاھار باسشىسى مەكتەپكە بالاسىن بەرە الماي وتىرعان اتا- انالار نە ىستەۋى كەرەكتىگىنە قاتىستى پىكىر ءبىلدىردى.

«سول ءۇشىن دە مەكتەپتەر سالىنىپ جاتىر. ياعني 8 مەكتەپ. 17 مىڭ ورىننىڭ تاپشى بولىپ وتىرعانى - ناقتى دەرەك. ءبىراق بۇل ءبىر كۇندە شەشىلەتىن ماسەلە ەمەس. جوسپارعا سايكەس ارەكەت جاسايتىن بولامىز. بۇل ادامعا دا بايلانىستى ەمەس، بۇل - ەلوردا حالقىنىڭ كوبەيىپ جاتقانىن كورسەتەتىن جاعداي. ميگراتسيالىق، دەموگرافيالىق كورسەتكىش جوعارى. 5 جىل بۇرىن مۇنداعى تۇرعىندار سانى قانشا ەدى؟ قازىر 1,1 ميلليون ادامعا جەتتى. تۇرعىندار سانى وتە جىلدام ءوسىپ جاتىر»، - دەدى ول.

www.24.kz



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات