+7 (701) 759 90 19
-23 °С : نۇر-سۇلتان
-8 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

قازاقستاندا «5-20-25» باعدارلاماسى باستالادى

18 قاراشا 11:10
:ءبولىسۋ
قازاقستاندا «5-20-25» باعدارلاماسى باستالادى

نۇر-سۇلتان. قازاقپارات - تابىسى تومەن ازاماتتار «5-20-25» باعدارلاماسىمەن باسپانا الۋ مۇمكىندىگى بار.

بۇل تۋرالى بۇگىن ۇكىمەت وتىرىسىندا ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى، دەپ حابارلايدى قازاقپارات ءتىلشىسى.

مينيستر قازىرگى ۋاقىتتا 2020-2025 -جىلدارعا ارنالعان «نۇرلى جەر» تۇرعىن ءۇي-كوممۋنالدىق دامۋىنىڭ مەملەكەتتىك باعدارلاماسىن ازىرلەنگەنىن، ونىڭ ناقتى 5 مىندەتى بار ەكەندىگىن ايتتى.

«ءبىرىڭعاي تۇرعىن ءۇي ساياساتىن ىسكە اسىرۋ» اتتى ءبىرىنشى مىندەتتىڭ اياسىندا تۇرعىن ۇيگە قولجەتىمدىلىك ساتىسى ەنگىزىلەدى. ايقىنداۋشى فاكتور - حالىقتىڭ تابىسى. وتباسى مۇشەسىنە شاققاندا ءبىر ەڭ تومەن كۇنكورىس دەڭگەيىنە دەيىنگى تابىسى بار ازاماتتارعا (29,7 مىڭ تەڭگە) ساتىپ الۋسىز جالعا بەرىلەتىن تۇرعىن ءۇي ۇسىنىلادى (جەتىم بالالار، 1 جانە 2-توپتاعى مۇگەدەكتەر، زەينەتكەرلەر جانە ت. ب. ). «باقىتتى وتباسى» باعدارلاماسى بۇرىنعىسىنشا 2 ەڭ تومەن كۇنكورىس دەڭگەيىنە دەيىنگى تابىسى بار ازاماتتارعا (59,4 مىڭ تەڭگە) قولجەتىمدى بولادى (كوپبالالى، تولىق ەمەس جانە مۇگەدەك بالالارى بار وتباسىلار)» ، - دەدى مينيستر.

ونىڭ اتاپ وتۋىنشە، 3,1 ەڭ تومەن كۇنكورىس دەڭگەيىنە دەيىنگى تابىسى بار ازاماتتارعا (92 مىڭ تەڭگە) «5-20-25» باعدارلاماسى بويىنشا اكىمدىكتەردىڭ كرەديتتىك تۇرعىن ۇيلەرىن الۋ مۇمكىندىگى بەرىلەدى. تابىسى 3,1 ەڭ تومەن كۇنكورىس دەڭگەيىنەن اساتىن ازاماتتارعا «7-20-25» باعدارلاماسى ۇسىنىلادى. تابىسى 5 كۇنكورىس دەڭگەيىنەن اساتىن ادامدار (148,5 مىڭ تەڭگە) باستاپقى جانە كەيىنگى نارىقتان تۇرعىن ءۇي ساتىپ الۋ ءۇشىن قولدانىستاعى ۇلتتىق بانكتىڭ «باسپانا- حيت» ، قازاقستان يپوتەكالىق كومپانياسىنىڭ «وردا»، تۇرعىن ءۇي قۇرىلىس جيناق بانكىنىڭ «ءوز ءۇيىم» سياقتى نارىق ونىمدەرىن پايدالانا الادى.

«باسپانا الۋدىڭ اشىقتىعى مەن ءبىرىڭعاي جۇيەلىك ەسەپكە الۋدى قامتاماسىز ەتۋ ءۇشىن كەزەكتە تۇرعانداردىڭ ءبىرىڭعاي رەسپۋبليكالىق بازاسى ەنگىزىلۋدە. اتالعان بازانىڭ دەرەكتەرى كەزەكتە تۇرعان ادامدار اراسىندا تۇرعىن ءۇيدىڭ قولجەتىمدىلىگىن انىقتاۋ ءۇشىن پايدالانىلاتىن بولادى، بۇل مەملەكەتتىك قولداۋدىڭ ناقتى ادامعا بەرىلۋى مەن مەملەكەتتىك قاراجاتتى پايدالانۋدىڭ تيىمدىلىگىن قامتاماسىز ەتەدى»، - دەدى بەيبىت اتامقۇلوۆ.

اۆتور: مارلان جيەمباي


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات