اقمولا وبلىسىنداعى ەگىستىك جەر كولەمى 5,1 ميلليون گەكتارعا جەتتى - ەرمەك مارجىقپايەۆ
27 ماۋسىم 17:29

اقمولا وبلىسىنداعى ەگىستىك جەر كولەمى 5,1 ميلليون گەكتارعا جەتتى - ەرمەك مارجىقپايەۆ

كوكشەتاۋ. قازاقپارات - بيىل اقمولا وبلىسىندا ەگىستىك جەرلەرىنىڭ كولەمى 5,1 ميلليون گەكتارعا جەتتى.

بۇل رەسپۋبليكا بويىنشا جوعارى كورسەتكىش، دەپ حابارلايدى قازاقپارات ءتىلشىسى.

«بيىل ءبىز اۋىل شارۋاشىلىعى داقىلدارىنىڭ ەگىس القابىن 5,1 ميلليون گەكتارعا دەيىن جەتكىزدىك. بۇل رەسپۋبليكا بويىنشا جوعارى كورسەتكىش. جىل سايىن ءبىز ەل استىعىنىڭ تورتتەن ءبىر بولىگىن وندىرەمىز، بۇل رەتتە ءبىز استىققا، تۇقىمعا جانە ازىققا دەگەن ىشكى قاجەتتىلىكتى تولىق قامتاماسىز ەتەمىز. جىل سايىن 28 ەلگە 2 ميلليون توننادان استام استىق ەكسپورتتالادى»، - دەدى بۋرابايدا وتكەن ورتالىق كوممۋنيكاتسيالار قىزمەتىنىڭ كوشپەلى باسپا ءسوز ءماسليحاتىندا اقمولا وبلىسىنىڭ اكىمى ەرمەك مارجىقپايەۆ.

سونىمەن بىرگە ايماق باسشىسى اۋىل شارۋاشىلىعى قۇرىلىمدارىنىڭ ماتەريالدىق-تەحنيكالىق جابدىقتالۋىنا دا توقتالدى.

اكىمنىڭ ايتۋىنشا، جىل باسىنان بەرى وبلىستىڭ اگروقۇرىلىمدارى جالپى سوماسى 21 ميلليارد تەڭگەگە 727 بىرلىك اۋىل شارۋاشىلىعى تەحنيكاسىن ساتىپ العان.

«مەملەكەت باسشىسىنىڭ تاپسىرماسىن ورىنداۋ ماقساتىندا وبلىستا الەۋمەتتىك ماڭىزى بار ازىق-تۇلىك ونىمدەرىن ءوندىرۋ كولەمىن ارتتىرۋ بويىنشا جۇمىستار جۇرگىزىلۋدە، جىل سايىن مايلى داقىلدار، كارتوپ جانە كوكونىس القاپتارىن ۇلعايتىپ كەلەمىز. بيىلعى جىلى مايلى داقىلدار مەن كارتوپ القابى 15 پايىزعا، كوكونىس 400 گەكتارعا ۇلعايتىلدى»، - دەپ تولىقتىردى ە. مارجىقپايەۆ.

ايتا كەتسەك، بۇدان بۇرىن اقمولا وبلىسىندا 2025-جىلعا دەيىن 177 ەلدى مەكەن اۋىز سۋمەن قامتاماسىز ەتىلەتى جاريالانعان بولاتىن.

جاڭالىقتار