الداعى 5 جىلدا استانادا 197 شاقىرىم جول سالىنباق

استانا. قازاقپارات - نەگىزگى جوبا - سول جاق جاعالاۋدى، ەكسپو اۋدانى مەن وڭ جاق جاعالاۋداعى جاڭا تەمىرجول ۆوكزالىنىڭ اۋدانىن بايلانىستىراتى ۇلى دالا كوشەسى، دەپ حابارلايدى استانا اكىمدىگىنىڭ رەسمي سايتى.

بۇدان بولەك، كەنەسارى كوشەسى كۇمىسبەكوۆ كوشەسىنەن كىشى اينالما جولعا، بەيسەكوۆا كوشەسىنە دەيىن، سەيفۋللين كوشەسى پۋشكين كوشەسىنە دەيىن جانە اسان قايعى كوشەسى تاشەنوۆ كوشەسىنەن بوگەنباي باتىر داڭعىلىنا دەيىن ۇزارتىلادى دەپ جوسپارلانۋدا.

«بۇل قالاداعى كولىك قاتىناسى جاعدايىن تۇبەگەيلى وزگەرتەدى. ءبىز وسى ماسەلەنى كەشەندى تۇردە قاراستىرامىز»، - دەدى جۋرناليستەرمەن كەزدەسۋىندە استانا قالاسى اكىمىنىڭ ءبىرىنشى ورىنباسارى سەرگەي حوروشۋن.

ول سونداي-اق، پرەزيدەنتتىك ساياباقتى قالپىنا كەلتىرۋگە قاتىستى جوسپارلارمەن ءبولىستى.

«ول ساياباقتىڭ وسىدان 15 جىل بۇرىن سالىنعانىن، قازىرگى كەزدە ونىڭ اينالاسىندا قۇرىلىستىڭ قارقىندى ءجۇرىپ جاتقانىن جانە الداعى 2-3 جىلدا قۇرىلىستىڭ تولىق بىتەتىنىن ەسكەرىپ، وسى پارككە قاراستى اۋداندى ەسەپكە الىپ رەكونسترۋكتسيا جاساۋدى شەشتىك. دالىرەك ايتقاندا، تاۋەلسىزدىك سارايى جانە «شابىت» مۋزىكالىق اكادەمياسىنىڭ اۋدانى دا كۇردەلى جوندەۋدەن وتەدى. ءبارى دە اشىق تۇردە بولسىن دەگەن نيەتپەن، ءبىز كونكۋرس جاريالادىق. سونداي-اق، ءبىز جاڭا يدەيالاردى جۇزەگە اسىرعىمىز كەلەدى. وتىنىشتەر جىلدىڭ سوڭىنا دەيىن تۇسەدى دەپ جوسپارلانۋدا. الدىن الا مالىمەتتەر بويىنشا بۇل كونكۋرسقا قازىردىڭ وزىندە جيىرمادان اسا فيرما قاتىسۋدا. ونىڭ ناتيجەسى بويىنشا كۇردەلى جوندەۋ جۇمىستارىن جۇرگىزۋ جونىندەگى تۇجىرىمدامانىڭ جەڭىمپازى انىقتالادى. وسىدان كەيىن جوبالىق-سمەتالىق قۇجاتتار جاسالادى. كەلەسى جىلى ءبىز اتالمىش جۇمىسقا كىرىسەمىز»، - دەپ تۇيىندەدى حوروشۋن.