قازاقستان حالقىنىڭ تابيعي ءوسىمى 5 ايدا 103 مىڭ ادامدى قۇرادى

استانا. قازاقپارات - 2018-جىلعى 1- ماۋسىمدا ەلىمىزدەگى حالىق سانى 18253,3 مىڭ ادامدى قۇرادى، دەپ حابارلايدى قازاقپارات ءتىلشىسى.

ق ر ۇ ە م ستاتيستيكا كوميتەتىنىڭ مالىمەتىنشە، قالالىقتار - 10514,3 مىڭ (57,6 پايىز) ، اۋىلدىقتار - 7739,0 مىڭ ادام (42,4 پايىز). 2017-جىلعى 1- ماۋسىممەن سالىستىرعاندا حالىق سانى 239,1 مىڭ ادامعا نەمەسە 1,3 پايىزعا ءوستى.

ا ح ا ت ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە 2018-جىلعى قاڭتار-مامىردا تۋعاندار سانى 159,9 مىڭ ادامدى قۇرادى. بۇل 2017-جىلعى قاڭتار- امىرعا قاراعاندا 2,9 پايىزعا كوپ. تۋۋدىڭ جالپى كوەففيتسيەنتى 1000 ادامعا 21,15 تۋعاندى قۇرادى.

2018-جىلعى قاڭتار-مامىردا رەسپۋبليكا حالقىنىڭ تابيعي ءوسىمى 2017-جىلعى قاڭتار-مامىرمەن سالىستىرعاندا 3,8 مىڭ ادامعا نەمەسە 3,8 پايىزعا كوبەيىپ، 103,5 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 13,69 ادام.

قاراستىرىلىپ وتىرعان كەزەڭدە قايتىس بولعاندار سانى 56,4 مىڭ ادام بولدى. بۇل 2017-جىلعى قاڭتار-مامىرعا قاراعاندا 1,4 پايىزعا كوپ. ءولىم-ءجىتىمنىڭ جالپى كوەففيتسيەنتى 1000 ادامعا 7,46 قايتىس بولعاندى قۇرايدى.

2018-جىلعى قاڭتار-مامىردا رەسپۋبليكادا 1 جاسقا دەيىنگى 1366 نارەستە ءولىمى تىركەلدى. 2017-جىلعى قاڭتار-مامىرمەن سالىستىرعاندا 1 جاسقا دەيىنگى شەتىنەگەن نارەستە سانى 1,6 پايىزعا كوپ.

نارەستە ءولىم-ءجىتىمىنىڭ نەگىزگى سەبەبى - پەريناتالدىق كەزەڭدە پايدا بولاتىن جاعدايلار، بۇدان 2018-جىلعى قاڭتار-مامىردا 637 نارەستە قايتىس بولىپ، نارەستەلەر اراسىنداعى جالپى ءولىم سانىنىڭ 46,6 پايىزىن قۇرادى. تۋا بىتكەن اۋىتقۋلاردان 283 نەمەسە 20,7 پايىز، تىنىس ورگاندارى اۋرۋلارىنان - 113 نەمەسە 8,3 پايىز، ينفەكتسيالىق پەن پارازيتارلى اۋرۋلاردان - 70 نارەستە نەمەسە 5,1 پايىز جانە جازاتايىم جاعدايدان، ۋلانۋدان جانە جاراقاتتان - 63 نەمەسە 4,6 پايىز نارەستە قايتىس بولدى.

2018-جىلعى قاڭتار- مامىردا نارەستە ءولىم-ءجىتىمىنىڭ كوەففيتسيەتى 1000 تۋعانعا شاققاندا 8,54 قۇرادى.