ەلىمىزدە الداعى 5-10 جىلدا 240-قا جۋىق كاسىپ پايدا بولۋى مۇمكىن
بۇل تۋرالى ەڭبەك جانە حالىقتى الەۋمەتتىك قورعاۋ ءبىرىنشى ۆيتسە- ءمينيسترى اقمادي سارباسوۆ وزبەكستاندا ءوتىپ جاتقان «ورتالىق ازياداعى ەكونوميكالىق دامۋ ءۇشىن ءتيىمدى باسقارۋ» حالىقارالىق كونفەرەنسياسى بارىسىندا ايتتى.
«بۇلتتى تەحنولوگيالار، جاساندى ينتەللەكت، روبوتتاندىرۋ ءبىزدىڭ ءومىرىمىزدىڭ اجىراماس بولىگىنە اينالدى. ناتيجەسىندە ەڭبەك نارىعىنا جاڭا ماماندىقتار ەنىپ جاتىر. قازاقستاندا الداعى 5-10 جىلدا ەكونوميكانىڭ 9 سالاسىندا 239 جاڭا كاسىپ پايدا بولۋى مۇمكىن، ال 95 كاسىپ ترانسفورماتسيالانۋدا. بۇل رەتتە ەلدەگى جۇمىس ورىندارىنىڭ % 52- ى اۆتوماتتاندىرۋدىڭ جوعارى تاۋەكەلىنە ۇشىرايدى. ءاربىر ەكىنشى قىزمەتكەر قايتا دايارلاۋدان وتۋگە ءماجبۇر بولادى. جاڭا داعدىلاردى مەڭگەرۋ - تابىستى قىزمەتتىڭ كىلتى. سوندىقتان كادرلاردى جىلدام ءارى يكەمدى دايارلاۋ ءۇشىن جاعداي جاساۋ ماڭىزدى»، - دەدى اقمادي سارباسوۆ.
ول جاقىن ارادا جۇمىس كۇشىنىڭ ساپالى قۇرىلىمىنىڭ وزگەرۋى جانە ەڭبەككە قابىلەتتى جاستار اعىنىنىڭ ارتۋى مۇمكىن ەكەنىن، بۇل ەڭبەك نارىعىنا قوسىمشا جۇكتەمە اكەلەتىنىن اتاپ ءوتتى.
«2030 -جىلعا قاراي قازاقستانداعى جۇمىس كۇشىنىڭ % 37- ى Z بۋىنى بولادى. ال ۇرپاقتىڭ اۋىسۋى جاستاردىڭ ەڭبەك قىزمەتىنە دەگەن كوزقاراسىنىڭ وزگەرۋىمەن قاتار جۇرەدى. بۇل يكەمدى جۇمىس كەستەسى ءۇشىن قارجىلىق جەڭىلدىكتەرگە بارۋعا دايىن ۇرپاق، ولار ءۇشىن كاسىبي جانە جەكە ءومىر اراسىنداعى تەپە- تەڭدىك ماڭىزدى. سوندىقتان جۇمىس بەرۋشىلەرگە تالانتتاردى ساقتاپ قالۋ ءۇشىن جاڭا تالاپتارعا بەيىمدەلۋ ماڭىزدى بولادى»، - دەدى ۆيسە- مينيستر.