شاڭىراق «5-10-20» يپوتەكالىق باعدارلاماسىنا ءوتىنىم قابىلداۋ باستالدى
بۇل باعدارلاما جەرگىلىكتى اتقارۋ ورگاندارىندا كەزەكتە تۇرعان باسپاناعا مۇقتاج ازاماتتارعا ارنالعان. اتالمىش جوباعا 1986-2017 -جىلدان بەرى كەزەكتە تۇرعانداردان باسقا 2018-2019-2020 -جىلدارى ءوتىنىش بەرگەندەر دە قاتىسا الادى.
«شاڭىراق» پيلوتتىق جوباسى مەملەكەت باسشىسىنىڭ تاپسىرماسىمەن قازاقستاندىقتارعا ءتيىمدى نەسيەمەن باسپاناعا قول جەتكىزۋ ماقساتىندا جاسالدى. باعدارلاما شارتتارىنا سايكەس، ءار ۇمىتكەردىڭ سوڭعى 6 ايداعى وتباسىلىق تابىسى جان باسىنا شاققاندا ەڭ تومەنگى كۇنكورىس مولشەرىنەن 3-1 ەسە ارتىق بولۋى ءتيىس.
2020 -جىلدىڭ 1-ساۋىرىنەن باستاپ بۇل كورسەتكىش 32668 تەڭگە بولدى. ياعني، وتباسىنىڭ ءبىر مۇشەسىنە كەلگەن تابىس 101271 تەڭگەدەن اسپاۋى ءتيىس. بارلىعى 54198 ءوتىنىش قارالدى. ولاردىڭ ىشىندە 34453 ادام 1986-2017 -جىلدارى كەزەككە تۇرعان. قازىر قۇنى 32,4 ميلليارد تەڭگە بولاتىن 2386 ءوتىنىم ماقۇلداندى. شاڭىراق باعدارلاماسىن جۇزەگە اسىرۋ ءۇشىن ق ر ۇلتتىق بانكىنىڭ ەنشىلەس ۇيىمىنان 210 ميلليارد تەڭگە اۋدارىلدى. ونىڭ ءبىرىنشى بولىگى، 90 ميلليارد تەڭگە «تۇرعىن ءۇي قۇرىلىس جيناق بانكى» ا ق اۋدارىلدى.
وسى قاراجاتقا 7-8 مىڭ قازاقستاندىق وتباسىعا قولجەتىمدى باسپانا بەرىلەدى. جىلدىق %5 مولشەرلەمەمەن نەسيە الۋ ءۇشىن ۇمىتكەر اكىمدىكتە كەزەكتە تۇرۋى كەرەك. سونىمەن قاتار، «تۇرعىن ءۇي قۇرىلىس جيناق بانكى» ا ق شوتىندا ءۇي باعاسىنىڭ 10 پايىز جيناعى بولۋى شارت. نەسيە 20 جىلعا دەيىن بەرىلەدى.
اۆتور: گۇلميرا عوسمانالي