جۋسان وپەراتسياسى: تاعى ءبىر وتانداسىمىز سيريادان 4 بالاسىمەن ەلگە جەتكىزىلدى
بۇعان دەيىن تاجىكستاننىڭ سىرتقى ىستەر مينيسترلىگى سيريادان 104 ادامنىڭ وتانىنا ورالعانى تۋرالى مالىمەت تاراتقان بولاتىن.
«سونىمەن قاتار قازاقستان تاراپىنىڭ ءوتىنىشى بويىنشا وسى رەيسپەن سيريادان تاجىكستانعا قازاقستان رەسپۋبليكاسىنىڭ 5 ازاماتى (اناسى جانە 4 بالاسى) جەتكىزىلدى»، - دەلىنگەن ەدى تاجىكستان س ءى م مالىمەتىندە.
وسىعان وراي بۇگىن ەلىمىزدىڭ سىرتقى ىستەر مينيسترلىگىندە وتكەن بريفينگ بارىسىندا ب ا ق وكىلدەرى ۆەدومستۆونىڭ رەسمي وكىلىنەن اتالعان اقپاراتتى ناقتىلاۋدى وتىنگەن ەدى.
«ءيا، راستايمىز. بۇل بىرنەشە كۇن بۇرىن بولدى جانە ولار قازىر قازاقستانعا جەتكىزىلدى. قازىرگى ۋاقىتتا ولارمەن پسيحولوگتار جۇمىس ىستەپ جاتىر. مۇنىڭ ءبارى «جۋسان» وپەراتسياسىنىڭ اياسىندا. قازاقستان سيريا اۋماعىنان ازاماتتارىن ەۆاكۋاتسيالاۋدى جالعاستىرۋدا»، - دەپ جاۋاپ بەردى ايبەك سمادياروۆ.