استانا حالىقارالىق فورۋمى 4 نەگىزگى جاھاندىق ماسەلەنى شەشۋگە ارنالعان – س ءى م
«2023 -جىلعى 8-9- ماۋسىمدا قازاقستاندا مەملەكەت باسشىسى قاسىم- جومارت توقايەۆتىڭ باستاماسىمەن استانا حالىقارالىق فورۋمى وتەدى. «ديالوگ ارقىلى سىن- قاتەرلەردى ەڭسەرۋ: ىنتىماقتاستىق، وركەندەۋ جانە پروگرەسس جولىندا» اتتى فورۋمنىڭ تۇجىرىمداسى سىرتقى ساياسات، قاۋىپسىزدىك جانە تۇراقتىلىق، ەنەرگەتيكا مەن كليمات، سونداي- اق ەكونوميكا جانە قارجى سياقتى 4 نەگىزگى جاھاندىق ماسەلەنى شەشۋگە ارنالعان. فورۋم باعدارلاماسىنا نەگىزگى باياندامالار، پانەلدىك سەسسيالار، سونداي- اق پىكىرتالاستار كىرەدى»، - دەدى ول.
رەسمي وكىلدىڭ ايتۋىنشا، فورۋم ۇكىمەتتەردىڭ، حالىقارالىق ۇيىمداردىڭ، بيزنەستىڭ جانە اكادەميالىق توپتاردىڭ جوعارى دەڭگەيدەگى دەلەگاتتارىنا ديالوگ جۇرگىزۋ، الەمدەگى وزەكتى جانە جاھاندىق پروبلەمالاردىڭ شەشىمدەرىن ىزدەۋ ءۇشىن الاڭ ۇسىنادى.
«فورۋمنىڭ مارتەبەلى قوناقتارىنىڭ قاتارىندا قاتار ءامىرى شەيح ءتاميم بەن حاماد ءال ءتاني، قىرعىزستان پرەزيدەنتى سادىر جاپاروۆ، بوسنيا جانە گەرتسەگوۆينا پرەزيديۋمىنىڭ ءتوراعاسى جەلكا سۆيانوۆيچ، ە ق ى ۇ باس حاتشىسى حەلگا شميد، حالىقارالىق ۆاليۋتا قورىنىڭ باسقارۋشى ديرەكتورى كريستالينا گەورگيەۆا، يۋنەسكو باس ديرەكتورى ودرە ازۋلە، ب ۇ ۇ باس حاتشىسىنىڭ ورىنباسارى، ازيا جانە تىنىق مۇحيتىنا ارنالعان ەكونوميكالىق جانە الەۋمەتتىك كوميسسيانىڭ (ەسكاتو) اتقارۋشى حاتشىسى ارميدا اليسدجابانا، وزبەكستان پرەمەر- ءمينيسترى ابدۋللا اريپوۆ جانە تاعى باسقالارى بار»، - دەدى ايبەك سمادياروۆ.