دونالد ترامپ 4- ساۋىردە سوتتا بولۋى كەرەك
مانحەتتەن ۇلكەن قازىلار القاسىنىڭ مۇشەلەرى بەيسەنبى كۇنى ا ق ش- تىڭ ەكس-پرەزيدەنتىنە قىلمىستىق ءىس بويىنشا رەسمي تۇردە ايىپ تاعىلۋىن داۋىسقا سالعان.
دونالد ترامپ بۇل جاعدايدى «ساياسي قۋدالاۋ جانە تاريحتاعى سايلاۋعا ارالاسۋدىڭ ەڭ جوعارعى دەڭگەيى» دەپ اتاعان. ول وسىعان دەيىن دە وزىنە تاعىلىپ وتىرعان ايىپتاۋلاردىڭ نەگىزسىز ەكەنىن مالىمدەگەن- ءدى.
بۇرىنعى ۆيتسە-پرەزيدەنت مايك پەنستىڭ دە پىكىرى وسىعان سايادى.
«امەريكالىقتاردىڭ باسىم كوپشىلىگىنە بۇل مانحەتتەننىڭ وكرۋگتىك پروكۋرورى جۇرگىزىپ وتىرعان ساياسي قۋدالاۋ ەكەنى تۇسىنىكتى دەپ ويلايمىن. ول ناقتى ءبىر امەريكالىققا ايىپ تاعىلۋىن كادىمگىدەي ناسيحاتتادى»، - دەيدى ول.
ال، ا ق ش پرەزيدەنتى دجو بايدەن ازىرگە بۇل جايتقا قاتىستى ەشقانداي پىكىر بىلدىرمەدى.
ترامپ ەل تاريحىندا قىلمىستىق ءىس بويىنشا ايىپ تاعىلعان العاشقى ەكس-پرەزيدەنت بولىپ وتىر. بۇعان دەيىن حابارلانعانىنداي، سەبەپ - 2016-جىلعى سايلاۋ ناۋقانىندا پورنواكتريساعا «اۋىزباستىرىق» بەرىلۋى.
ايتا كەتسەك، ا ق ش- تىڭ ەكس-پرەزيدەنتى دونالد ترامپ 2024-جىلى وتەتىن سايلاۋعا قاتىساتىنىن مالىمدەدى. ول پرەزيدەنت سايلاۋىنا تۇسۋگە رەسمي ءوتىنىشىن 2022-جىلعى قاراشادا بەرگەن بولاتىن.
ترامپتىڭ الداعى سايلاۋداعى العاشقى باسەكەلەسى دە بەلگىلى. وڭتۇستىك كارولينا شتاتىنىڭ بۇرىنعى رەسپۋبليكاشىل گۋبەرناتورى جانە اقش- تىڭ بۇۇ جانىنداعى تۇراقتى وكىلى بولعان نيككي حەيلي 2024-جىلعى پرەزيدەنتتىك سايلاۋعا تۇسۋگە دايىن ەكەنىن مالىمدەگەن ەدى.
ەسكە سالساق، 2020-جىلعى سايلاۋدا ترامپ ءقازىر پرەزيدەنت دجو بايدەننەن جەڭىلىپ قالدى.