قايتا قۇرىلعان ءتورت وبلىستا 4 تەرگەۋ يزولياتورى سالىنادى
بۇل جونىندە قىلمىستىق اتقارۋ جۇيەسى كوميتەتىنىڭ ءتوراعاسى جانات ەشماعامبەتوۆ سەنات وتىرىسىندا ايتتى.
«الەمدىك ستاندارتتارعا جاقىنداي ءتۇسۋ ءۇشىن سوتتالعانداردى باراقتا جاساقپەن ۇستاۋ تاسىلىنەن كامەرادا ۇستاۋ تاسىلىنە كوشۋ جۇمىستارى ءجۇرىپ جاتىر. قازىر سوتتالعانداردى كامەرادا ۇستايتىن 9 مەكەمە بار. وندا 4 مىڭنان استام سوتتالعان ازامات وتىر. بيىل 8 تۇرعىن بلوگىن قايتا جاراقتاۋ جوسپارلانىپ وتىر. بىلتىر جوبالاۋ- سمەتالىق قۇجاتتاماسى ازىرلەنگەن بولاتىن. قاجەتتى قاراجات ءبولىندى. سونىڭ ناتيجەسىندە كامەرادا وتىراتىنداردىڭ ۇلەسى 28 پايىزعا جەتەدى نەمەسە 5,5 مىڭ ادام بولادى»، - دەدى ول.
ايتۋىنشا، مەملەكەتتىك- جەكەمەنشىك ارىپتەستىك اياسىندا 14 اباقتى سالۋ كوزدەلىپ وتىر.
«سونداي-اق، قوعامدىق قاۋىپسىزدىكتىڭ قامتاماسىز ەتۋدىڭ 2024-2028-جىلدارعا ارنالعان تۇجىرىمداماسىن ازىرلەۋ اياسىندا قايتا قۇرىلعان اباي، ۇلىتاۋ، شىعىس قازاقستان، الماتى وبلىستارىندا مەملەكەت بيۋجەتى ەسەبىنەن 4 زاماناۋي تەرگەۋ يزولياتورىن سالۋ كوزدەلگەن. سونداي-اق، مەملەكەتتىك-جەكەمەنشىك ارىپتەستىك اياسىندا 14 ارالاس قاۋىپسىزدىكتەگى كامەرادا ۇستايتىن مەكەمە، 5 تەرگەۋ يزولياتورىن سالۋ جوسپارلانعان»، - دەدى.