ارالدىڭ تابانىنداعى 4 مىڭ شارشى شاقىرىم اۋماقتى قايتا سۋمەن جابۋعا بولادى - رومان سكليار
بۇل جايىندا پرەمەر-ءمينيستردىڭ ءبىرىنشى ورىنباسارى رومان سكلياردىڭ ءماجىلىس دەپۋتاتتارىنىڭ ساۋالىنا بەرگەن جاۋابىندا ايتىلعان.
«قازىرگى تاڭدا ارال تەڭىزى باسسەينىندەگى ەكولوگيالىق جانە الەۋمەتتىك-ەكونوميكالىق كورسەتكىشتەردى ءارى قاراي جاقسارتۋ ءۇشىن دۇنيەجۇزىلىك بانكتەن تارتىلعان 1,5 ميلليون دوللار گرانتقا «ارال تەڭىزىنىڭ سولتۇستىك بولىگىن قالپىنا كەلتىرۋ جانە وڭىرلىك دامىتۋ» جوباسىنىڭ تەحنيكالىق-ەكونوميكالىق نەگىزدەمەسى ازىرلەندى. ول جوبانىڭ ءبىر بولىگى «سىرداريا وزەنىنىڭ ارناسىن رەتتەۋ جانە ارال تەڭىزىنىڭ سولتۇستىك بولىگىن ساقتاۋ» جوباسىنىڭ جالعاسى بولىپ وتىر»، - دەپ جازىلعان جاۋاپتا.
ءبىرىنشى ۆيتسە-پرەمەردىڭ مالىمەتىنشە، اتالعان جوبانى ىسكە اسىرۋ ارقىلى سولتۇستىك ارالدىڭ سۋ كولەمىن 27 تەكشە شاقىرىمنان 35 تەكشە شاقىرىمعا ارتتىرۋعا بولادى.
«وسىلايشا ارالدىڭ قاڭسىپ قالعان تابانىن 4 مىڭ شارشى شاقىرىمعا دەيىن سۋمەن جاۋىپ، جەرگىلىكتى بالىق پوپۋلياتسياسىن 27 تۇرگە دەيىن كوبەيتۋ كوزدەلگەن»، - دەپ جازادى رومان سكليار.