اباي وبلىسىندا 4 اۋداندى سۋ باسۋى مۇمكىن

سەمەي. قازاقپارات - اباي وبلىسىنداعى بورودۋليحا، بەسقاراعاي، ءۇرجار جانە كوكپەكتى اۋداندارىن سۋ باسۋ قاۋپى بار، دەپ حابارلايدى قازاقپارات ءتىلشىسى.

«قازگيدرومەت» ر م م اباي وبلىستىق فيليالىنىڭ مالىمەتىنشە، ءوڭىردىڭ ءبىر قالاسى مەن 3 اۋدانىندا توپىراقتىڭ قاتۋ تەرەڭدىگى 50 س م-دەن اسىپ وتىر.

اتاپ ايتقاندا، سەمەي (95 س م) مەن اباي (123 س م)، بورودۋليحا (81 س م)، بەسقاراعاي اۋداندارى (97 س م).

قالعان ايماقتاردا توپىراقتىڭ قاتۋ تەرەڭدىگى 25-س م-دەن 46 س م- گە دەيىنگى ارالىقتا.

«قىس باستالعالى بەرى جەرگىلىكتى اتقارۋشى ورگاندار ەلدى مەكەندەردەن 338,4 مىڭ تەكشە مەترگە جۋىق قار شىعاردى. سۋ تاسقىنى كەزەڭىنە وراي 27,5 مىڭ ىدىس-قاپ، 2,5 مىڭ توننا ينەرتتى ماتەريال جانە 265 توننا جانار- جاعارماي دايىندالدى. قار جامىلعىسى مەن تاسقىن سۋدىڭ وتۋىنە عارىشتىق مونيتورينگ جۇرگىزۋ ماقساتىندا «قازاقستان عارىش ساپارى» ۇ ك ا ق- مەن كەلىسىمشارت جاسالعان. وبلىستاعى قار قورىن اەروۆيزۋالدى زەرتتەۋ جانە گيدرولوگيالىق جاعدايعا مونيتورينگ جۇرگىزۋ ءۇشىن «قازاۆياقۇتقارۋ» ا ق تىكۇشاقتارىن تارتامىز»، - دەدى اباي وبلىسى توتەنشە جاعدايلار دەپارتامەنتىنىڭ باستىعى ماناربەك شاپاعاتوۆ بۇگىنگى بريفينگىدە.

ونىڭ ايتۋىنشا، وزەندەردەگى قالىڭ مۇزدى جارىپ، مۇز كەپتەلۋىنىڭ الدىن الۋ ءۇشىن 52 ميلليون تەڭگە بولىنگەن. قازىر دايىندىق جۇمىستارى ءجۇرىپ جاتىر.

كوكتەمدەگى توتەنشە جاعدايلار كەزىندە زارداپ شەككەن ادامداردى ەۆاكۋاتسيالاۋ ءۇشىن 5315 ورىندىق 43 ۋاقىتشا ورنالاستىرۋ پۋنكتى دايىندالدى.

«2021-2023 -جىلدارعا ارنالعان سۋ تاسقىنىنا قارسى ءىس-شارالاردىڭ جول كارتاسى شەڭبەرىندە جوسپارلانعان 12 شارانىڭ 8 ى جۇزەگە استى. وسى باعدارلاما ناتيجەسىندە 10 ەلدى مەكەندەگى 1175 ادام تۇراتىن 433 ءۇيدى سۋ باسۋ ءقاۋپى جويىلادى»، - دەيدى ماناربەك شاپاعاتوۆ.