الماتىدا ساباققا كەتكەن 4 وقۋشى قىز ءبىر تاۋلىك بويى ۇيىنە ورالماعان
بۇل تۋرالى جوعالعانداردى ىزدەۋمەن اينالىساتىن «ليدەر» ۆولونتەرلەر توبى ءمالىم ەتتى.
ولاردىڭ ايتۋىنشا، ءتورت جەتكىنشەكتى ىزدەۋ جۇمىسى كەشە تاڭعى ۇشكە دەيىن جالعاسقان.
قىزدار 10، 11 جانە 14 جاستا. ونىڭ ەكەۋى - اپالى- ءسىڭلىلى باۋىرلار.
ەرىكتىلەر ناۋرىزباي اۋدانى پوليتسيا قىزمەتكەرلەرىمەن بىرلەسىپ، «الما سيتي» تۇرعىن ءۇي كەشەنى مەن اباي اۋىلى توڭىرەگىن ءسۇزىپ شىققان. ويتكەنى جوعالعان قىزداردىڭ تەلەفونى شامامەن وسى ايماقتاردا قوسىلىپ-سوندىرىلگەن.
ىزدەۋ جۇمىسى سونىمەن قاتار تاراز قالاسىندا دا ءجۇردى. وندا ەرىكتىلەر قالاارالىق تاسىمالمەن اينالىساتىن اۆتوبۋستاردى توقتاتىپ، تەكسەرگەن. قىزدار باسقا قالاعا كەتىپ قالدى ما دەگەن كۇدىك بولعان.
ۇشتەن كەيىن قىزدار تابىلماعان سوڭ ەرىكتىلەر ۇيگە قايتقان.
تاڭعى التىدا ناۋرىزبايلىق پوليتسەيلەردىڭ قىزداردى امان-ەسەن تاۋىپ، پوليتسيا باسقارماسىنا جەتكىزگەنى بەلگىلى بولدى.
اۆتور
جانات قاپالبايەۆا