رەسەي ب ۇ ۇ ۋكراينانىڭ 4 ايماعىندا رەفەرەندۋم وتكىزگەنىن ايىپتايتىن قارارعا ۆەتو قويىپ، قابىلداتپاي تاستادى
قۇجاتتى ا ق ش پەن البانيا ەلى بىرلەسىپ دايىنداعان.
قىتاي، گابون، ءۇندىستان جانە برازيليا قالىس قالدى. قاراردا الەم ەلدەرىن ۋكراينانىڭ جاۋلاپ العان ايماقتارىندا وتكىزىلگەن رەفەرەندۋمدى مويىنداماۋعا شاقىرعان. رەسەيدەن ۋكراينادان اسكەرىن دەرەۋ شىعارۋ، تالاپ ەتىلگەن بولاتىن.
ليندا توماس- گرينفيلد، ا ق ش- تىڭ ب ۇ ۇ- داعى تۇراقتى وكىلى:
- كەشە باس حاتشى ب ۇ ۇ جارعىسىنا قاتىستى بىلاي دەگەن ەدى. كەز كەلگەن مەملەكەت پەن ونىڭ اۋماعىن قورقىتىپ، كۇشپەن وزىنە قوسىپ الۋ ب ۇ ۇ جارعىسىنىڭ پرينتسيپتەرى مەن حالىقارالىق قۇقىققا قايشى. قازىر ءبىز ءدال وسىنداي زاڭبۇزۋشىلىقپەن بەتپە- بەت كەزدەسىپ وتىرمىز. ا ق ش البانيامەن بىرلەسىپ ۋكراينا ايماقتارىندا وتكىزىلگەن زاڭسىز رەفەرەندۋمداردى ايىپتاۋ تۋرالى قارار ۇسىنىپ وتىر. قۇجات بارلىق ەلدەردى ۋكراياننىڭ اۋماعىن وزگەرتۋدى مويىنداماۋعا شاقىرادى.
www.24.kz