ماگيستراتۋرا ەمتيحانىندا 4 تالاپكەر ءوزىنىڭ ورنىنا باسقا ادامدى كىرگىزبەك بولعان

None
نۇر-سۇلتان. قازاقپارات - قازىرگى تاڭدا ماگيستراتۋراعا تۇسۋگە ارنالعان تەستىلەۋدى 20 مىڭعا جۋىق تالاپكەر تاپسىردى.

شەكتى بالدى وقۋعا تۇسۋشىلەردىڭ %50 عا جۋىعى جينادى. ورتاشا كورسەتكىش - 74 بال، بۇل وتكەن جىلعى ناتيجەدەن 6 بالعا جوعارى، دەپ حابارلايدى قازاقپارات.

ماگيستراتۋراعا تۇسۋگە ارنالعان كەشەندى تەستىلەۋگە 46 مىڭنان استام ءوتىنىش كەلىپ ءتۇستى، بۇل وتكەن جىلمەن سالىستىرعاندا 6 مىڭعا كوپ. ماگيستراتۋرادا وقۋعا 13 مىڭنان استام گرانت ءبولىندى.

بيىل ماگيستراتۋراعا تۇسۋگە ارنالعان كەشەندى تەستىلەۋ 20- شىلدەدە باستالدى جانە 10- تامىزعا دەيىن جالعاسادى. تەستىلەۋگە قاتىسۋعا نيەت بىلدىرۋشىلەردى تىركەۋ 10- ماۋسىم مەن 15- شىلدە ارالىعىندا ق ر ع ج ب ۇلتتىق تەستىلەۋ ورتالىعىنىڭ سايتىندا app.testcenter.kz جۇرگىزىلگەن بولاتىن.

تەستىلەۋدىڭ ءبىرىنشى اپتاسىندا 89 تالاپكەر سمارتفون، شپارگالكا جانە باسقا دا تىيىم سالىنعان زاتتاردى الىپ وتۋگە تىرىسقانى ءۇشىن تەست تاپسىرۋ مۇمكىندىگىنەن ايىرىلدى.

ك ت كەزىندە ەرەجە بۇزعانى ءۇشىن اۋديتوريادان 61 ادام شىعارىلىپ، ولاردىڭ ناتيجەسى جويىلدى.

ۇلتتىق ءبىرىڭعاي تەستىلەۋگە كىرگىزۋ سەكىلدى، ك ت- عا كىرگىزۋ ءۇش دەڭگەيلى جۇيە بويىنشا جۇزەگە اسىرىلادى:

Face ID جەكە باسىن سايكەستەندىرۋ ارقىلى، جەكە كۋالىك بويىنشا، سونداي-اق وتىرعىزۋ ورنىندا جەكە باسىن سايكەستەندىرۋ جۇرگىزىلەدى. قابىلدانعان ءىس-شارالار ارقاسىندا تەستىلەۋگە كىرگىزۋ كەزىندە 4 بوگدە تۇلعا انىقتالدى. ياعني، قاتىسۋشىلار وزدەرىنىڭ ورنىنا باسقا ادامدى جىبەرىپ، تەستىلەۋدەن وتپەك بولعان. ءتيىستى شارالار قابىلداندى.

- ماگيستراتۋراعا تۇسۋگە ارنالعان كەشەندى تەستىلەۋدى وتكىزۋدىڭ ءبىرىنشى اپتاسى اياقتالدى.

بولاشاق ماگيسترانتتاردى تەستىلەۋ ەرەجەلەرىن ساقتاپ، اكادەميالىق ادالدىق قاعيدالارىن ۇستانۋعا شاقىرامىن. Face ID سايكەستەندىرۋ جۇيەسىنىڭ كومەگىمەن ءبىز باسقا ادامدار ءۇشىن تەستىلەۋدى تاپسىرۋعا تىرىسقان 4 بوگدە تۇلعانى انىقتادىق. سونىمەن قاتار پوستپروكتورينگ قورىتىندىسى بويىنشا ءبىز 3 ادامنىڭ ناتيجەسىن جويدىق. ولار ەمتيحان ماتەريالدارىن سۋرەتكە ءتۇسىرىپ، اۋديتوريادان الىپ شىعۋعا تىرىسقان، - دەدى ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.

ۇلتتىق تەستىلەۋ ورتالىعىنىڭ ديرەكتورى اتاپ وتكەندەي، بوگدە تۇلعالار تۋرالى اقپارات وكىلەتتى ورگاندارعا بەرىلدى.

بيىل ماگيستراتۋراعا ءتۇسۋ ەرەجەلەرى وزگەرگەن جوق. ەمتيحان ءۇش بلوكتان تۇرادى: شەت ءتىلى بويىنشا تەست، وقۋعا دايىندىعىن انىقتاۋعا ارنالعان تەست جانە ءبىلىم بەرۋ باعدارلامالارى توبىنىڭ بەيىنى بويىنشا تەست.

شەت ءتىلىن مەڭگەرگەنىن راستايتىن حالىقارالىق سەرتيفيكاتتاردىڭ ءبىرى بار وقۋعا تۇسۋشىلەر شەت ءتىلى بويىنشا تەستەن بوساتىلادى. تەستىلەۋ ناتيجەلەرىمەن كەلىسپەگەن جاعدايدا ونلاين-اپەللياتسياعا بەرۋ مۇمكىندىگى قامتاماسىز ەتىلگەن.

تەستىلەۋ اياقتالعاننان كەيىن 30 مينۋت ىشىندە وقۋعا ءتۇسۋشى بىردەن اپەللياتسياعا ءوتىنىش بەرە الادى.

اپەللياتسيا بەس كۇن ىشىندە قارالادى. تەستىلەۋ سەرتيفيكاتى وقۋعا ءتۇسۋشىنىڭ جەكە كابينەتىندە قولجەتىمدى بولادى.

بيىل شەكتى بالدار وزگەرىسسىز قالدى: عىلىمي-پەداگوگيكالىق باعىت بويىنشا ماگيستراتۋراعا ءتۇسۋ ءۇشىن 75 بال، بەيىندىك باعىت بويىنشا 50 بال جيناۋ قاجەت.

سوڭعى جاڭالىقتار