سەمەيدە قاڭتارداعى جاپپاي تارتىپسىزدىككە قاتىسقان ءۇش ادام 4 جىلعا سوتتالدى
قاڭتار وقيعاسىندا جاپپاي تارتىپسىزدىككە قاتىسقان 3 ادامعا سوت ۇكىمى شىقتى.
ولار ق ر قىلمىستىق كودەكسىنىڭ 272-بابى 2-بولىگى (جاپپاي تارتىپسىزدىككە قاتىسۋ)، 380-بابى 1-بولىگى (بيلىك وكىلىنە قاتىستى كۇش قولدانۋ) بويىنشا قىلمىس جاساعان.
سەمەي قالاسىنىڭ 2№ سوتى كۇدىكتىلەر مەن شىعىس قازاقستان وبلىسىنىڭ پروكۋراتۋراسى اراسىندا جاسالعان پروتسەستىك كەلىسىمگە سايكەس، ەر ادامداردىڭ ىستەگەن ىسىنە تولىق وكىنگەنىن جانە كەلگەن زالالدى وتەگەنىن ەسكەرىپ، ولاردى 4 جىل مەرزىمگە باس بوستاندىعىنان ايىردى.
ۇكىم ءالى زاڭدى كۇشىنە ەنگەن جوق.
«سوتتالعانداردىڭ كىناسى قىلمىس جاسالعان جەردەگى بەينەجازبالارمەن، كۋاگەرلەردىڭ سوزىمەن جانە الىنعان زاتتاي ايعاقتارمەن دالەلدەنەدى. قالعان قىلمىستىق ىستەر وندىرىستە جانە اياقتالۋ ساتىسىندا. ايعاق-دالەل جيناۋ بويىنشا ءتيىستى شارالار جۇرگىزىلىپ جاتىر»، - دەپ حابارلادى ش ق و پروكۋراتۋراسىنىڭ باسپا ءسوز قىزمەتى.