اۆتونەسيە بەرەتىن 4 بانك انىقتالدى

نۇر- سۇلتان. قازاقپارات - «ونەركاسىپتى دامىتۋ قورى» اكسيونەرلىك قوعامىنىڭ باسقارۋشى ديرەكتورى عالىمجان ءادي جەڭىلدەتىلگەن اۆتونەسيەنى ءبىر ادام نەشە رەت الۋعا قۇقىلى ەكەنىن ءتۇسىندىردى، دەپ حابارلايدى قازاقپارات ءتىلشىسى.

«جەڭىلدەتىلگەن اتونەسيەنىڭ سىياقى مولشەرى - 4 پايىز، قارجىلاندىرۋ مەرزىمى 7 جىلدان اسپايدى. نەسيە كولەمى 10 ميلليون تەڭگە بولادى، ياعني قازاقستاندا شىعارىلعان كولىكتىڭ قۇنى 15 ميلليون تەڭگەدەن اسپاۋى كەرەك. بۇل باعدارلاما بويىنشا باستاپقى جارنا كوزدەلمەگەن. دەگەنمەن، اۆتوكولىكتىڭ قۇنى 10 ميلليون تەڭگەدەن اساتىن بولسا، نەسيەگە ءوتىنىش ءبىلدىرۋشى ازامات جەتىسپەيتىن اقشانى ءوز قاراجاتى ەسەبىنەن تولتىرادى»، - دەدى اكسيونەرلىك قوعام وكىلى وسى ماسەلە بويىنشا ءوتىپ جاتقان بريفينگ بارىسىندا.

ونىڭ مالىمەتى بويىنشا، قازىر وسى باعدارلاماعا قاتىساتىن 4 بانك تاڭداپ الىنعان. ولار: «حالىق بانك»، «بانك سەنتركرەديت»، «فورتە بانك» جانە ەۋرازيالىق بانك».

«بۇلاردىڭ قاتارى ءالى دە كەڭەيۋى مۇمكىن. قازىر ونەركاسىپتى دامىتۋ قورى باسقا بانكتەردىڭ دە وتىنىشتەرىن قاراستىرىپ جاتىر. ول وتىنىشتەر ماقۇلدانسا، بانكتەر سانى كوبەيەدى. بۇل باعدارلامانىڭ ەرەكشەلىگى بار. نەعۇرلىم كوپ ادام الۋ ءۇشىن ءبىر ازامات مۇنداي نەسيەنى 2 جىلدا ءبىر- اق رەت الا الادى»، - دەدى عالىمجان ءادي.

ايتا كەتەيىك، بۇگىن قازاقستاندا 4 پايىزدىق جەڭىلدەتىلگەن اۆتونەسيە بەرۋ باستالدى.

اۆتور: ەسىمجان ناقتىباي