كاسپي تەڭىزىندە جوعالعان ەكى بالىقشى 4 تاۋلىكتەن بەرى تابىلماي جاتىر

None
None
اقتاۋ. قازاقپارات - ماڭعىستاۋدا جوعالعان بالىقشىلار ءالى تابىلعان جوق، دەپ حابارلايدى قازاقپارات.

ەستەرىڭىزگە سالا كەتەيىك، 30- ءساۋىر 01.00 شاماسىندا كاسپيي تەڭىزىنە بالىق اۋلاۋعا شىققان 1994 -جىلى تۋعان قازاقستان جانە 1983 -جىلى تۋعان وزبەكستان ازاماتىنان ءالى كۇنگە دەيىن حابار جوق. ماڭعىستاۋ وبلىسى توتەنشە جاعدايلار دەپارتامەنتى ىزدەۋ جۇمىستارىن جۇرگىزىپ جاتىر. قۇتقارۋ جۇمىسىنا دەپارتامەنتتەن 2 تەحنيكا، 2 قايىق جانە 9 ادام، «قازاۆياقۇتقارۋ» اق مي-8 تىك ۇشاعى، قورعانىس مينيسترلىگىنىڭ 29011 اسكەري ءبولىمى جانە ەرىكتىلەر جۇمىلدىرىلدى.

3- مامىر 15.00-دە ماڭعىستاۋ وبلىسى توتەنشە جاعدايلار دەپارتامەنتىنىڭ باستىعى، پودپولكوۆنيك مۇرات مۇحانوۆ تىكۇشاقپەن تەڭىزدە جوعالىپ كەتكەندەردى ىزدەستىرۋ ءۇشىن ۇشىپ كەتتى. «داۋىل بولاتىنى جايلى ەسكەرتپە تۇسكەن كەزدە تەڭىزگە قايىقپەن شىعۋعا جانە شومىلۋعا تىيىم سالىنادى، سەبەبى تەڭىز تولقىندارى جوعارى كوتەرىلىپ، كۇشەيۋى مۇمكىن» دەپ ەسكەرتەدى قۇتقارۋشىلار.


سوڭعى جاڭالىقتار