ەلوردادا ازىق- تۇلىك باعاسىن كوتەرگەن 4 دۇكەن جاۋاپقا تارتىلدى

نۇر- سۇلتان. قازاقپارات - ەلوردادا الەۋمەتتىك ماڭىزى بار ازىق- تۇلىك ونىمدەرىنىڭ باعاسىن تۇراقتاندىرۋ ءۇشىن كۇن سايىن مونيتورينگ جۇرگىزىلەدى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

وسىلايشا، 8 بيزنەس سۋبەكتىسىندە ساۋدا ۇستەمەسىنەن اسىپ كەتۋ بەلگىلەرى انىقتالدى. اكىمدىك اتالعان نىسانداردى جاۋاپكەرشىلىككە تارتۋ بويىنشا جۇمىس جۇرگىزىپ، «ەسكەرتۋ» تۇرىندە ۇيعارىمدار شىعارعان. ال 4 دۇكەنگە قاتىستى باعانى كوتەرگەنى ءۇشىن اكىمشىلىك شارالار قابىلداندى.

ولار: «ەليت ەت» دۇكەندەرى (قونايەۆ كوشەسى، 14)، «التاي» (سىرىم باتىر كوشەسى)، ەت دۇكەنى (تىلەنديەۆ داڭعىلى، 36) جانە «جاستار» س ءۇ (كراۆتسوۆ كوشەسى، 6). اكىمدىك مالىمەتىنشە، باعا كوتەرىلگەن جاعدايدا كاسىپكەرلەرگە ەڭ قاتاڭ شارالار قولدانىلاتىن بولادى. باعانىڭ وسۋىنە قاتىستى اقپاراتتى (ساۋدا نىسانىنىڭ مەكەنجايى، تاۋار ماركاسى جانە باعاسى كورسەتىلگەن) نۇر- سۇلتان قالاسىنىڭ اكىمدىگىنە، تەل.: 556899، 556978، 556808، نەمەسە ق ر باسەكەلەستىكتى قورعاۋ جانە دامىتۋ اگەنتتىگىنىڭ «جەدەل جەلى» نومەرلەرىنە قوڭىراۋ شالۋ ارقىلى جەتكىزۋگە بولادى: 87172750465، 742738، 651686، 87786681841، 87755926169، 87018003938، 87054243684.