USD 425.02 EUR 450.1
RUB 7.17 CNY 63.75
جاڭالىقتار

«قازاقستان حالقىنا» قورىنىڭ 4 قۇرىلتايشىسى بار

19 قاڭتار 11:51
:ءبولىسۋ
«قازاقستان حالقىنا» قورىنىڭ 4 قۇرىلتايشىسى بار

نۇر- سۇلتان. قازاقپارات - «قازاقستان حالقىنا» قايىرىمدىلىق قورىنىڭ نەگىزىن قالاۋشىلار كىمدەر؟ جانە قور قۇرىلتايشىلارىنىڭ قانداي قۇقىعى بار؟

اتالعان سۇراقتارعا قور ءتوراعاسى بولات جامىشيەۆ جاۋاپ بەردى، دەپ حابارلايدى قازاقپارات ءتىلشىسى.

«بىرنەشە قوعامدىق بىرلەستىك بىرىگىپ «قازاقستان حالقىنا» قورىنىڭ قۇرىلتايشىسى بولىپ وتىر. اتاپ ايتقاندا 4 قوعامدىق ۇيىم. نەگە ول 4 ۇيىم دەگەن سۇراقتار دا قويىلىپ جاتىر. اتالعان ۇيىمدار وسىعان دەيىن دە مەملەكەتتىك ورگاندارمەن بىرلەسىپ، دەنساۋلىق ساقتاۋ، ءبىلىم جانە الەۋمەتتىك سالادا قايىرىمدىلىق شاراسىمەن تۇراقتى اينالىسىپ كەلەدى. جانە سول 4 قوعامدىق ۇيىم جوعارىدا اتالعان سالا مينيسترلىكتەرىنىڭ ۇسىنىسىمەن تاڭدالدى. وسى تۇستا ەرەكشە ايتىپ وتكىم كەلەدى، قۇرىلتايشىلاردىڭ قاتىسۋشىلار سەكىلدى قۇقىعى جوق. ولارعا ارنايى قۇقىق بەرىلمەيدى. ولار تەك قور جۇمىسىنىڭ باستالۋىنا سەرپىن بەردى، قايىرىمدىلىقتى العاشقى بولىپ باستادى. قور از ۋاقىتتىڭ ىشىندە قۇرىلدى، سوندىقتان وسىنداي شەشىم قابىلداندى» - دەدى بولات جامىشيەۆ حابار 24 ارناسىنىڭ «وشاكبايەۆ LIVe « باعدارلاماسىنىڭ ەفيرىندە.

ونىڭ ايتۋىنشا، كەز كەلگەن قوعامدىق ۇيىم قور قاتىسۋشىسى بولا الادى. باستى تالاپ - قايىرىمدىلىق سالاسىندا تاجىريبەنىڭ بولۋى.

«قور جۇمىسىنا ۇلەس قوسامىن دەگەن قوعامدىق ۇيىمدار مەن بىرلەستىكتەرگە ەسىگىمىز اشىق. قور - بىرەۋدىڭ جەكەمەنشىگى ەمەس، حالىقتىكى جانە حالىق ءۇشىن قىزمەت ەتەدى»، - دەيدى ول.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات