USD 434.84 EUR 498.2
RUB 5.72 CNY 68.47
جاڭالىقتار

قازاقستاندا قاراشادا اۋا تەمپەراتۋراسى بويىنشا 4 رەكورد تىركەلدى

8 جەلتوقسان 14:56
:ءبولىسۋ
قازاقستاندا قاراشادا اۋا تەمپەراتۋراسى بويىنشا 4 رەكورد تىركەلدى

نۇر-سۇلتان. قازاقپارات - قازاقستاندا قاراشادا اۋا تەمپەراتۋراسى بويىنشا 4 رەكورد تىركەلدى.

بۇل تۋرالى قازگيدرومەت ماماندارىنىڭ مالىمەتتەرىندە كورسەتىلگەن.

سينوپتيكتەردىڭ بولجاۋىنشا، بيىل قاراشادا ەل اۋماعىندا سولتۇستىك تەڭىز اۋداندارىنان كەلگەن سۋىق اۋا اعىنى بايقالدى. بۇل 3-8-قاراشادا، سودان كەيىن 16-20-قاراشادا بولدى. ناتيجەسىندە تەمپەراتۋرا بويىنشا رەكورد تىركەلدى.

«ايدىڭ ءبىرىنشى ونكۇندىگىندە قازاقستاننىڭ باسىم بولىگىندە تۇنگى اۋا تەمپەراتۋراسى 18 گرادۋسقا دەيىن، شىعىسىندا 26 گرادۋسقا دەيىن، ال وڭتۇستىگىندە 9 گرادۋسقا دەيىن تومەندەدى. ال 4-قاراشادا شىعىس قازاقستان وبلىسىنىڭ ريددەر ستانسياسىندا ەڭ تومەنگى اۋا تەمپەراتۋراسى رەتىندە 26,3 گرادۋس تىركەلدى. وسىلايشا، 1989 -جىلعى 19,6 گرادۋس تىركەلگەن رەكورد بۇزىلدى.

كەلەسى ونكۇندىكتىڭ ەكىنشى جارتىسىندا تاعى دا سالقىن اۋا تەمپەراتۋراسى بولدى. سودان كەيىن اۋا تەمپەراتۋراسى ەلدىڭ سولتۇستىك جارتىسىندا 28 گرادۋسقا دەيىن، ال وڭتۇستىگىندە 15 گرادۋسقا دەيىن تومەندەدى. سونىمەن قاتار، 17-قاراشادا اقتوبە وبلىسىنداعى مۇعالجار مەتەوستانتسياسىندا تۇندە 18,1 گرادۋس تىركەلدى. ناتيجەسىندە 1993 -جىلى 17,6 گرادۋس تىركەلگەن رەكورد بۇزىلدى»، - دەپ حابارلادى قازگيدرومەت.

سونداي-اق، قاراشانىڭ باسقا كۇندەرىندە ەڭ جوعارى اۋا تەمپەراتۋراسىنىڭ رەكوردى جاڭارتىلدى. ولارعا جەرورتا تەڭىزى مەن ورتا ازيا ايماقتارىنان كەلگەن جىلى اۋا ماسسالارى اسەر ەتتى. وسىنىڭ سالدارىنان قازاقستاننىڭ سولتۇستىگىندە، سولتۇستىك- باتىسىندا جانە شىعىسىندا رەكوردتار تىركەلگەن.

«اقتوبە وبلىسىنداعى قارابۇتاق مەتەوستانتسياسىندا 9-قاراشادا كۇندىز اۋا تەمپەراتۋراسى 8,8 + گرادۋس بولدى. ناتيجەسىندە 1981 -جىلعى رەكوردى جاڭارتىلدى، ول كەزدە 8 + گرادۋس تىركەلگەن ەدى.

سونداي- اق، شىعىس قازاقستان وبلىسىنىڭ وسكەمەن قالاسىندا 25-قاراشادا كۇندىزگى اۋا تەمپەراتۋراسى 12 + گرادۋس بولدى. بۇل كورسەتكىش 1973 -جىلعى رەكوردتان اسىپ ءتۇستى، ول كەزدە 8 + گرادۋس تىركەلگەن ەدى»، - دەپ تولىقتىردى سينوپتيكتەر.

ساراپشىلار قاراشادا اۋا تەمپەراتۋراسىنىڭ رەكوردتىق كورسەتكىشىنەن بولەك باسقا دا قولايسىز اۋا- رايى جاعدايلارى بايقالعانىن اتاپ ءوتتى. ولاردىڭ اراسىندا قاتتى جەل، بوران، شاڭدى داۋىل، تۇمان، كوكتايعاق جانە قار بار.

«ءبىر اي ىشىندە رەسپۋبليكا بويىنشا جەل سەكۋندىنا 15-28 مەترگە دەيىن كۇشەيىپ، جەكەلەگەن اۋدانداردا تابيعي گيدرومەتەورولوگيالىق قۇبىلىستارعا دەيىن جەتتى. دوستىق، جالاڭاشكول، باقاناس (الماتى وبلىسى)، تاراز، شوقپار (جامبىل وبلىسى)، تاستى (تۇركىستان وبلىسى)، بالقاش (قاراعاندى وبلىسى)، جارما (شىعىس قازاقستان وبلىسى) مەتەورولوگيالىق ستانسيالارىندا جەلدىڭ جىلدامدىعى سەكۋندىنا 30-43 مەتر بولدى»، - دەدى قازگيدرومەت.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات