اقمولا وبلىسىندا 4 ميلليون تونناعا جۋىق استىق جينالدى

نۇر-سۇلتان. قازاقپارات - اقمولا وبلىسىنىڭ اكىمى ەرمەك مارجىقپايەۆ وڭىردەگى استىق جيناۋ جۇمىستارىن باياندادى، دەپ حابارلايدى قازاقپارات.
«ءبىزدىڭ وبلىس - نەگىزگى اۋىلشارۋاشىلىق وڭىرلەردىڭ ءبىرى، ونىڭ جالپى اۋىل شارۋاشىلىعى ونىمىندەگى ۇلەسى 11%- عا جۋىق. ءتىپتى كۇردەلى كليماتتىق جاعدايلارعا قاراماستان، وبلىس شارۋالارى گەكتارىنان 8,8 تسەنتنەردەن ءونىم الىپ، 4 ميلليون تونناعا جۋىق استىق جينادى»، - دەدى ەرمەك مارجىقپايەۆ وڭىرلىك كوممۋنيكاتسيالار ورتالىعىندا وتكەن بريفينگىدە.
اكىمنىڭ ايتۋىنشا، سۋارمالى جەرلەر الاڭىن كەڭەيتۋ جۇمىستارى جالعاسىپ جاتىر، قازىر سۋارمالى جەرلەر 30 مىڭ گەكتارعا جەتكىزىلدى.
«الداعى ۋاقىتتا ەسىل جانە جارقايىڭ اۋداندارىندا بۇزىلىق سۋ قويماسى سالىنىپ، سۋارمالى جەرلەر كەڭەيەدى. وسى بىرەگەي جانە ماڭىزدى جوبانى ىسكە اسىرۋ ءوڭىردىڭ سۋمەن قامتاماسىز ەتىلۋىن جاقسارتۋعا، سۋارمالى جەرلەردىڭ اۋدانىن ۇلعايتۋعا مۇمكىندىك بەرەدى، ەكوجۇيەگە، فلورا مەن فاۋناعا وڭ اسەر ەتەدى. مەملەكەتتىك قولداۋدىڭ ارقاسىندا 72 ميلليارد تەڭگە كولەمىندە اگروونەركاسىپتىك كەشەن كورسەتكىشتەرىنىڭ وسكەنى بايقالادى»، - دەدى ە. مارجىقپايەۆ.
- اقتاۋدا جول ەرەجەسىن ورەسكەل بۇزعان تۇلەكتەردى پوليتسيا ىزدەپ جاتىر
- تارازدا مەكتەپ ءبىتىرۋشى تۇلەك كولىكپەن كانالعا ءتۇسىپ كەتتى
- قازگيدرومەت مامىردىڭ 26-سى كۇنگى كۇن رايى بولجامىن جاريالادى
- الماتىداعى حالىققا قىزمەت كورسەتۋ ورتالىعى تولەمدەردى زاڭسىز العان
-
پاۆلوداردا ايەلى اجىراسىپ جاتقان كۇيەۋىنەن ەرەكشە جولمەن كەك الدى
-
سينوپتيكتەر 13 وڭىردە ەسكەرتۋ جاريالادى