ۇلكەن الماتى جولىنا كەسىلگەننەن 4 ەسە كوپ اعاش ەگىلەدى

الماتى. قازاقپارات - بۇگىندە ۇلكەن الماتى اينالما جولىنىڭ قۇرىلىسى ءجۇرىپ جاتىر. جول سالۋ بارىسىندا اعاشتار كەسىلۋدە. كەسىلگەن اعاشتار قالاي قالپىنا كەلتىرىلەدى؟

بۇل سۇراققا اتالعان جولدى سالۋعا جاۋاپتى كومپانيانىڭ باسشىسى ايمان جانۇزاقوۆا جاۋاپ بەردى، دەپ حابارلايدى قازاقپارات ءتىلشىسى.

«جوباعا سايكەس ءبىز 16 مىڭ ءتۇپ اعاش كەسىلەدى. ءبىراق، ءبىز ونى بىرنەشە ەسەلەپ قايتارۋعا مىندەتتىمىز. ياعني 1 ءتۇپ اعاش كەسسەك، ورنىنا 5 ءتۇپ اعاش وتىرعىزۋ تالابى قويىلدى. بىزدە اعاش وتىرعىزۋمەن قاتار، ەكولوگيانى جاقسارتۋعا ارنالعان جوبا بار، دەمەك ءبىزدىڭ مىندەت كەسىلگەن اعاشتى قايتا قالپىنا كەلتىرۋمەن شەكتەلمەيدى. ودان بولەك، ءبىزدىڭ كومپانيا اينالما جولدىڭ ساپاسى مەن كۇتىمىنە 16 جىل بويى جاۋاپتى بولادى»، - دەدى «باكاد ينۆەستيتسي ي وپەراتسي» ج ش س- نىڭ ديرەكتورى ايمان جانۇزاقوۆا.

ونىڭ ايتۋىنشا، «باتىس ەۋروپا - باتىس قىتاي» ترانزينتتىك دالىزىنە قاراستى اتالعان جوبانىڭ الەۋمەتتىك- ەكونوميكالىق ماڭىزعا يە. بۇعان دەيىن QazAvtoJol ۇلتتىق كومپانياسى اق الماتى وبلىستىق فيليالىنىڭ ديرەكتورىنىڭ مىندەتىن اتقارۋشى بولاتبەك ايتبايەۆ ءۇ ا ا ا ج مەملەكەتتىك جوبا ەكەنىن جانە ونىڭ قاشان پايدالانۋعا بەرىلەتىنىن ايتتى.

«ۇلكەن الماتى اينالما اۆتوموبيل جولى (ءۇ ا ا ا ج) بىرىنشىدەن، كولىك كەپتەلىسى ماسەلەسىن ازايتادى، ەكىنشىدەن قالانىڭ باسقا وڭىرلەرمەن قارىم- قاتىناسى ءۇشىن ماڭىزدى. اينالما جول الماتى قالاسىمەن قاتار، وبلىستىڭ قاراساي، ىلە جانە تالعار اۋداندارىن بايلانىستىرادى. جوبانى ۋاقىتىنان بۇرىن اياقتاپ، 2023 -جىلى حالىق يگىلىگىنە بەرەمىز دەپ كوزدەپ وتىرمىز»، - دەدى ب. ايتبايەۆ.