وتكەن تاۋلىكتە ەلوردانىڭ جەدەل جاردەم ستانساسىنا 4 مىڭنان استام قوڭىراۋ تۇسكەن

نۇر-سۇلتان. قازاقپارات - نۇر-سۇلتان قالاسىندا ينفەكتسيالىق ارۋحانالارمەن بىرگە جەدەل جاردەم قىزمەتى دە شەكتەن تىس جۇكتەمەمەن جۇمىس ىستەپ جاتىر، دەپ حابارلايدى قازاقپارات ءتىلشىسى.

نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆتىڭ ايتۋىنشا، ەلوردالىقتاردان تاۋلىك سايىن كوروناۆيرۋس ىندەتىمەن بايلانىستى 300 دەن استام قوڭىراۋ ءتۇسىپ جاتىر.

«اسىرەسە، ازاماتتار وزدەرىن- ءوزى ءۇي جاعدايىندا ەمدەلۋىنە بايلانىستى جۇقپالى اۋرۋلار اۋرۋحانالارىنا كوۆيدتىڭ اۋىر تۇرىمەن ءتۇسىپ جاتقانىن اتاپ وتكىم كەلەدى. مەديتسينالىق كومەككە بىردەن جۇگىنبەۋ، دارىگەردىڭ قاراۋىنسىز تىكەلەي انتيكواگۋليانتتارمەن ەمدەلگەن ناۋقاستاردى رەانيماتسيا بولىمشەسىنە اۋىستىرۋعا تۋرا كەلەدى»، - دەيدى مامان.

باسقارما باسشىسى تۇرعىنداردان تۇسەتىن شاقىرتۋلارعا ۇلگەرۋدىڭ ءوزى پروبلەماعا اينالعانىن ايتادى. «قازىرگى ۋاقىتتا جەدەل جاردەم بريگادالارى مەن موبيلدى بريگادالاردىڭ جۇمىسىندا دا ۇلكەن جۇكتەمە بايقالىپ تۇر. تەك وتكەن تاۋلىكتە جەدەل جاردەم ستانسياسىنا تۇسكەن قوڭىراۋلار سانى - 4 مىڭنان استى. شاقىرتۋلار سانى - 2300. ك ۆ ي بويىنشا قوڭىراۋلار سانى - تاۋلىگىنە 300-دەن اسىپ وتىر»، - دەدى تيمۋر مۇراتوۆ.

سونداي-اق، ول پ ت ر تەست ارقىلى تاۋلىگىنە 1369 جاڭا جاعداي تىركەلىپ تۇرعانىن جەتكىزدى.