USD 434.84 EUR 498.2
RUB 5.72 CNY 68.47
جاڭالىقتار

قىزىلوردادا ءبىر كۇندە 4 مىڭعا جۋىق ادام كوروناۆيرۋس ۆاكسيناسىن سالدىردى

25 ماۋسىم 19:16
:ءبولىسۋ
قىزىلوردادا ءبىر كۇندە 4 مىڭعا جۋىق ادام كوروناۆيرۋس ۆاكسيناسىن سالدىردى

قىزىلوردا. قازاقپارات - قىزىلوردا وبلىسىندا ءبىر كۇندە 4 مىڭعا جۋىق ادام كوروناۆيرۋسقا قارسى ۆاكسينا سالدىردى، دەپ حابارلايدى قازاقپارات ءتىلشىسى.

وڭىردە قاتەرلى ىندەتكە قارسى ەكپە قابىلداۋ 1- اقپاننان باستالدى. ناتيجەسىندە قازىر ۆاكسينانىڭ ءبىرىنشى كومپونەنتىن العاندار 131 مىڭنان اسسا، ەكىنشى كومپونەنتىن 72 مىڭنان استام ادام سالدىردى. قازىر وڭىردە 135 مىڭنان استام قاتەرلى ىندەتكە قارسى ەكپە الىپ ۇلگەردى.

وبلىستىق دەنساۋلىق ساقتاۋ باسقارماسىنىڭ حابارلاۋىنشا، ەكپە قابىلداعاندار قاتارىندا پەداگوگتەر، مەديتسينا قىزمەتكەرلەرى، قۇقىق قورعاۋ ورگانى قىزمەتكەرلەرى، مەملەكەتتىك قىزمەتشىلەر، ستۋدەنتتەر سانى باسىم.

وعان قوسا ۆاكسينا سالدىرعاندار قاتارىندا جۇمىسسىزدار، زەينەتكەرلەر مەن كاسىپكەرلەر سانى ارتىپ كەلەدى.

«وڭىردە سوزىلمالى سىرقاتى ادامدار دا ەكپە قابىلداۋعا نيەت ءبىلدىردى. سونداي-اق، ەگدە جاستاعى ادامدار دا قاتەرلى ىندەتكە قارسى ۆاكتسينا قابىلداۋدا. ۆاكسينادان كەيىن تۇرعىنداردا اسقىنۋ بولعان جوق»، - دەپ ءمالىم ەتتى قىزىلوردا وبلىستىق دەنساۋلىق ساقتاۋ باسقارماسىنان.

تۇرعىندار «سپۋتنيك V» ، «QazVac» جانە «Hayat-Vax» ، «كورونا ۆاك» ۆاكسينالارىنىڭ ءبىرىن تاڭداي الادى. ەكپەنىڭ جەتكىلىكتى قورى بارلىق مەديتسينا ۇيىمدارىندا جاساقتالعان.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات