الماتىدا ۇرىلار 4 بانكوماتتى توناپ كەتتى

الماتى. قازاقپارات - الماتىدا بانكومات توناۋمەن اينالىستى دەگەن كۇدىكپەن 4 سدام ۇستالدى، دەپ حابارلايدى قازاقپارات قالالىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

بەلگىلى بولعانىنداي، ۇرىلار قىلمىستىق ارەكەتتەرىن تۇندە ىستەيتىن بولعان. ولار بانكتەردىڭ تەرمينالدارىن بۇزىپ، كاسسەتانى شىعارىپ، اقشانى العان العان سوڭ، ۇياشىقتى قايتادان ورنىنان سالىپ كەتەتىن بولعان.

«كۇدىكتىلەر قولعا ءتۇستى. ولار تورتەۋ. ولار وزدەرىنىڭ سوڭعى «جورىقتارى» بارىسىندا تەرمينالدان 160 مىڭ تەڭگەدەن استام اقشانى الىپ كەتكەن. تەرگەۋ بارىسىندا كۇدىكتىلەر وزدەرىنىڭ 4 بانكوماتتى توناعانىن ايتقان. قىلمىستىق ءىس ق ر ق ك- ءنىڭ 188 -بابى بويىنشا تەرگەلۋدە. ۇستالعان ادامدار ۋاقىتشا ۇستاۋ يزولياتورىنا قامالدى»، - دەدى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ.