ءۇش ايدا جول-كولىك اپاتىنان 4 مىڭعا جۋىق ادام زارداپ شەكتى

None
None
نۇر-سۇلتان. قازاقپارات - قازاقستاندا وسى جىلدىڭ 3 ايىندا 224 مىڭنان استام كولىك تىركەلدى، دەپ حابارلايدى قازاقپارات ءتىلشىسى.

«2021 -جىلعى قاڭتار- ناۋرىزدا قازاقستان رەسپۋبليكاسىندا 224421 جەڭىل اۆتوموبيل تىركەلگەن. بۇل 2020 -جىلدىڭ ءتيىستى كەزەڭمەن سالىستىرعاندا 3,5 پايىزعا كوپ. قازاقستان رەسپۋبليكاسىندا 2021 -جىلعى 1-ساۋىردەگى جاعداي بويىنشا تىركەلگەن جەڭىل اۆتوموبيلدەردىڭ سانى 3849,9 مىڭ بىرلىكتى قۇرادى» دەلىنگەن ق ر ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى تاراتقان اقپاراتتا.

ۆەدومستۆو مالىمەتىنشە، 2021 -جىلعى قاڭتار- ناۋرىزدا 2621 جول- كولىك وقيعاسى تىركەلىپ، 3968 ادام زارداپ شەككەن. وتكەن جىلعى ءدال وسىنداي كەزەڭمەن سالىستىرعاندا جول- كولىك وقيعاسى 4,3 پايىزعا كەمىگەن.

«2021 -جىلعى 1-ساۋىردەگى جاعداي بويىنشا كولىك قۇرالدارى يەلەرىنىڭ ازاماتتىق- قۇقىقتىق جاۋاپكەرشىلىگىن مىندەتتى ساقتاندىرۋ بويىنشا ساقتاندىرۋ ۇيىمدارى 8,8 ميلليارد تەڭگە سوماسىندا 19627 ساقتاندىرۋ تولەمىن جۇزەگە اسىردى»، - دەپ اتاپ وتەدى بيۋرودان.

اۆتور: مارلان جيەمباي

سوڭعى جاڭالىقتار