09:28, 05 - مامىر 2021 | GMT +6
قازاقستاننىڭ 4 ءوڭىرى عانا «جاسىل» ايماقتا
نۇر- سۇلتان. قازاقپارات – ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram كانالى قازاقستان وڭىرلەرىندەگى ەپيدەميالىق احۋالدى باعالاۋ ماتريساسىن جاريالادى، دەپ حابارلايدى قازاقپارات.
2021 -جىلدىڭ 5-مامارىنداعى جاعداي بويىنشا: « قىزىل ايماقتا» نۇر- سۇلتان، الماتى جانە شىمكەنت قالالارى، سونداي- اق جامبىل، باتىس قازاقستان، قاراعاندى، قىزىلورداجانە پاۆلودار وبلىستارى تۇر.
«سارى ايماقتا» الماتى، اتىراۋ، اقتوبە، شىعىس قازاقستان وبلىستارى ورنالاسقان.
«جاسىل ايماقتا» ازىرگە تۇركىستان، قوستاناي، ماڭعىستاۋ جانە سولتۇستىك قازاقستان وبلىستارى عانا تۇر.