قازاقستاندىق وقۋشى الەمنىڭ 4 ۇزدىك وقۋ ورنىنان شاقىرتۋ الدى

الماتى. قازاقپارات - الماتى قالاسىنىڭ 12-سىنىپ وقۋشىسى مۇحاممەد- ءالي قاناتبەك فوردەم ۋنيۆەرسيتەتىنەن، درەكسەل ۋنيۆەرسيتەتىنەن، گونكونگ باپتيست ۋنيۆەرسيتەتىنەن جانە بريتان كولۋمبيا ۋنيۆەرسيتەتىنەن شاقىرتۋ الدى. بۇلار الەمدەگى ۇزدىك وقۋ ورىندارىنىڭ قاتارىنا كىرەدى، دەپ حابارلايدى قازاقپارات ءتىلشىسى.

مۇحاممەد- ءالي نازاربايەۆ زياتكەرلىك مەكتەبىندە فيزيكا- ماتەماتيكا باعىتىندا ءبىلىم الىپ جاتىر. ول ۇلى بريتانيالىق كولۋمبيا ۋنيۆەرسيتەتىنىڭ (الەمدە 34-ورىن) Karen Mckellininternational Leaders of Tomorrow (KMILOT) Award ستيپەندياسىنىڭ 33 يەگەرىنىڭ ءبىرى اتاندى. پروفەسسورلاردىڭ ۇزدىك قۇرامى، جۇمىسقا ورنالاسۋدىڭ جوعارى دەڭگەيى، جەكە جوبالاردى دامىتۋ الەۋەتى - وسىنىڭ ءبارى ۇلى بريتانيالىق كولۋمبيا ۋنيۆەرسيتەتىندە جاسالعان جاعداي. سوندىقتان زياتكەر ءدال وسى ۋنيۆەرسيتەتتە وقۋعا شەشىم قابىلداعان. وقۋ قىركۇيەكتە وفلاين فورماتتا باستالادى.

«وكاناگانداعى كامپۋستى تاڭداۋ سەبەبىم - «بيزنەس جانە مەنەدجمەنت» ماماندىعى سايكەس كەلدى. ودان بولەك، پروفەسسورلارمەن تىكەلەي جۇمىس ىستەۋ مۇمكىندىگى بار. وقۋعا تۇسۋدە كاسىبي باعدار بەرگەن باعجان ازامات قىزى ۇلكەن رول اتقاردى، سول ءۇشىن وعان العىسىم شەكسىز. ەگەر دايىندىقتى الدىن الا، 2-3 جىل بۇرىن باستاماساڭىز، وندا تۇرعان ەشتەڭە جوق. باستىسى - نيەت پەن ۇمتىلىس. سونىمەن قاتار، ەگەر باعالارىڭىز ناشار بولسا، وقۋعا ءتۇسۋ مۇمكىن ەمەس دەپ ويلاماڭىز»، - دەدى مۇحاممەد- ءالي.

مۇحاممەد- ءاليدىڭ ءبىلىم سالاسىندا كوپتەگەن جەتىستىكتەرى بار: ول 2019 -جىلى گارۆارد ماتەماتيكالىق وليمپياداسىندا (HMMT) قازاقستاندىقتار اراسىندا ءبىرىنشى ورىندى جەڭىپ الدى، Oracle Kazakhstan-دا تاعىلىمدامادان ءوتتى، 2000+ ادامعا ارنالعان ءوزىنىڭ حالىقارالىق بيزنەس- ينكۋباتورى بار.

اۆتور: الما مۇقانوۆا