4 پايىزبەن اۆتونەسيە: ءوتىنىم بەرۋشىلەر كوپ، ال بولىنەتىن قاراجات از
دەسە دە باعدارلاماعا ءوتىنىم بەرگەننەن كەيىن كولىك الۋ كەزەگى كەلگەنىن قايدان قاداعالاۋعا بولادى؟ بۇل جونىندە قازاقستاننىڭ دامۋ بانكىنىڭ باسپا ءسوز قىزمەتىنەن سۇراپ كورگەن ەدىك.
جالپى قازاقستاننىڭ دامۋ بانكى 2015 -جىلدان باستاپ 2020 -جىلعا دەيىن باعدارلاما بويىنشا كەلەسى سوماداعى قاراجاتتى بولگەن:
2015 -جىلى - 15 ميلليارد تەڭگە؛
2016 -جىلى - 11 ميلليارد تەڭگە؛
2017 -جىلى - قاراجات بولىنبەدى
2018 -جىلى - 8 ميلليارد تەڭگە؛
2019 -جىلى - 28 ميلليارد تەڭگە
2020 -جىلى - 20 ميلليارد تەڭگە.
جەكە تۇلعالاردىڭ كەزەكتەرىن ەكىنشى دەڭگەيدەگى بانكتەر دەربەس جۇرگىزەدى.
«كەزەكتى جۇرگىزۋدىڭ اشىقتىعىن قامتاماسىز ەتۋ ماقساتىندا قازاقستان دامۋ بانكى ەكىنشى دەڭگەيدەگى بانكتەردىڭ سايتتارىندا ەلەكتروندىق كەزەكتى جۇرگىزۋگە باستاماشىلىق جاساعانىن قوسىمشا حابارلايمىز. قازىرگى ۋاقىتتا «سبەربانك» ا ق ە ب، «حالىق بانكى» ا ق، «بانك ۆ ت ب (قازاقستان) « ا ق ەب، «فورتەبانك» ا ق رەسمي سايتتارىندا ءاربىر ءوتىنىش بەرۋشى باعدارلاما شەڭبەرىندە قارىز الۋعا ءوز كەزەگىن كورە الادى.
ق ر ۇلتتىق بانكتىڭ 2019 -جىلعى 31- مامىرداعى قاۋلىسىمەن بەكىتىلگەن وتاندىق ءوندىرىستىڭ جەڭىل اۆتوكولىكتەرىن ساتىپ الۋشىلارعا كرەديت بەرۋ باعدارلاماسىندا 2019-2023 -جىلدار كەزەڭىندە جىل سايىن 20 ميلليارد تەڭگەگە دەيىن قاراجات ءبولۋ كوزدەلگەن»، - دەپ حابارلايدى بانكتىڭ باسپا ءسوز قىزمەتىنەن.
ەسكە سالا كەتسەك، بۇعان دەيىن بانك اۆتونەسيەلەۋ باعدارلاماسى اياسىندا 2021 -جىلدىڭ 1 - اقپانىنا دەيىن 26958 اۆتوكولىك ساتىلعانىن حابارلاعان بولاتىن. جەڭىلدەتىلگەن اۆتونەسيەلەۋ باعدارلاماسى بويىنشا اۆتوكولىك ساتىپ الۋعا قويىلاتىن نەگىزگى تالاپتاردى مىنا سىلتەمەدەن وقۋعا بولادى.