ءبىرىڭعاي جيناقتاۋشى زەينەتاقى قورى 4 ۋاكىلەتتى وپەراتورمەن كەلىسىم جاسادى
باسپا ءسوز قىزمەتىنىڭ مالىمەتىنشە، زاڭنامادا تۇرعىن ءۇي جاعدايلارىن جاقسارتۋ جانە (نەمەسە) ەمدەلۋگە اقى تولەۋ ماقساتىندا ب ج ز ق- دان ءبىرجولعى زەينەتاقى تولەمدەرىن الۋ ءۇشىن سالىمشىلاردىڭ ۋاكىلەتتى وپەراتوردىڭ ينتەرنەت رەسۋرسىندا ەلەكتروندى ءوتىنىش تولتىرا وتىرىپ، ق ر ۇكىمەتى ايقىنداعان ۋاكىلەتتى وپەراتورلارعا جۇگىنەتىنى كوزدەلگەن.
«سالىمشى وتىنىشىندە ءبىرجولعى زەينەتاقى تولەمدەرىن پايدالانۋ ماقساتىن جانە ماقساتتى پايدالانۋعا جىبەرىلەتىن قولجەتىمدى سومانى كورسەتەدى. ۋاكىلەتتى وپەراتور سالىمشىنىڭ ءوتىنىشىن قاراپ، ونى ماقۇلداۋ تۋرالى شەشىم قابىلدايدى. سونداي- اق، ءبىرجولعى زەينەتاقى تولەمدەرىن قوردان ۋاكىلەتتى وپەراتوردا اشىلعان سالىمشىنىڭ ارنايى شوتىنا اۋدارۋ بويىنشا ب ج ز ق- مەن ءوزارا ءىس-قيمىلدار جۇرگىزىپ، ءبىرجولعى زەينەتاقى تولەمدەرىنىڭ نىسانالى پايدالانىلۋىنا مونيتورينگ جاسايدى»، دەلىنگەن حابارلامادا. قور مەن ۋاكىلەتتى وپەراتورلار اراسىنداعى ءوزارا ءىس-قيمىل ەلەكتروندى اقپارات الماسۋ ارقىلى جانە ءوزارا ءىس-قيمىل تۋرالى ءتيىستى كەلىسىم نەگىزىندە جۇزەگە اسىرىلادى.
«كەلىسىم ۋاكىلەتتى وپەراتور مەن بجزق اراسىندا ءبىرجولعى زەينەتاقى تولەمدەرىن ەسەپكە الۋ، اۋدارۋ جانە قايتارۋ ماسەلەسى بويىنشا اقپاراتتىق ءوزارا ءىس-قيمىل جاساۋ جانە اقپارات الماسۋ ءتارتىبىن، سونداي-اق، اقپاراتتىڭ قۇپيالىلىعىن ساقتاۋ جونىندەگى شارتتار مەن مىندەتتەمەلەردى قوسا العاندا، كەلىسىم تاراپتارىنىڭ ءارقايسىسىنىڭ مىندەتتەرى مەن جاۋاپكەرشىلىگىن ايقىندايدى»، دەلىنگەن حابارلامادا.
ايتا كەتەرلىگى، قور مەن ۋاكىلەتتى وپەراتوردىڭ اقپاراتتىق جۇيەسىنىڭ بىرىكتىرىلۋى «ەلەكتروندى ۇكىمەت» پورتالىنداعى ينتەگراتسيالىق سەرۆيس ارقىلى جۇزەگە اسىرىلادى.