قازاقستاندىق اككۋمۋلياتورلار ت م د ەلدەرىمەن قاتار تاعى 4 مەملەكەتكە ەكسپورتتالادى
بۇل تۋرالى قازاقپارات ق ر يندۋستريا جانە ينفراقۇرىلىمدىق دامۋ مينيسترلىگىنىڭ Telegram كانالىنا سىلتەمە جاساپ حابارلايدى.
كاسىپورىن جۇمىس ىستەي باستاعالى تولىقتاي تەحنولوگيالىق تسيكلدى جولعا قويدى. ياعني، قازىر ەشقانداي قۇراستىرۋشى بۇيىمدارعا مۇقتاج ەمەس. ۇساق بولشەكتەردى قۇيۋدان باستاپ دايىن اككۋمۋلياتورلاردى بىتەۋگە دەيىنگى بارلىق قاجەتتى بۇيىمدار مەن جۇمىستار كاسىپورىن سەحىندا جاسالادى.
2020-جىلدىڭ قاراشا ايىندا «قاينار-ا ك ب» زاۋىتىندا اككۋمۋلياتور باتارەيالارى ءوندىرىسىنىڭ جاڭا جەلىسىن ىسكە قوسۋ سالتاناتتى شاراسى بولىپ ءوتتى. اتالعان جوبا «قاينار-ا ك ب» مەن جاسىل تەحنولوگيالار مەن ينۆەستيتسيالىق جوبالار حالىقارالىق ورتالىعى (IGTIC) اراسىنداعى ىنتىماقتاستىق تۋرالى مەموراندۋم اياسىندا ىسكە اسىرىلدى.
جاڭا جەلىنى ىسكە قوسۋدىڭ ارقاسىندا زاۋىتتىڭ وندىرىستىك قۋاتى جىلىنا 3,7 ميلليون اككۋمۋلياتور شىعارۋعا دەيىن ارتادى. قازىرگى ۋاقىتتا زاۋىتتا جىلىنا 2,5 ميلليون داناعا دەيىن اككۋمۋلياتور باتارەياسى وندىرىلەدى.