ەلىمىزدىڭ 4 وڭىرىندە بولشەك ساۋدا كولەمى جوعارى

نۇر- سۇلتان. قازاقپارات - بولشەك ساۋدا كولەمى 2020 -جىلعى قاڭتار- جەلتوقساندا 11571,6 ميلليارد تەڭگەنى قۇرادى نەمەسە 2019 -جىلعى ءتيىستى كەزەڭىنە قاراعاندا %4,1 از.

بۇل تۋرالى قازاقپارات ۇلتتىق ستاتيستيكا بيۋروسىنا سىلتەمە جاساپ حابارلايدى.

«2020 -جىلعى قاڭتار- جەلتوقساندا رەسپۋبليكاداعى بولشەك ساۋدانىڭ جالپى كولەمىندەگى ەداۋىر جوعارى ۇلەس سالماق الماتى قالاسىنا (%29,8)، نۇر- سۇلتان قالاسىنا (%11,1)، شىعىس قازاقستان (%9,2) جانە قاراعاندى (%9,1) وبلىستارىنا كەلەدى»، - دەلىنگەن حابارلامادا.