بۋرابايدا 4 ايەلدىڭ ءولى دەنەسى تابىلدى: كۇدىكتى پوليتسياعا ءوزى حابارلاسقان

كوكشەتاۋ. قازاقپارات - اقمولا وبلىسىنىڭ بۋراباي كەنتىندە 4 ايەلدى زورلىقپەن ءولتىردى دەگەن كۇدىكپەن جەرگىلىكتى تۇرعىن ۇستالدى، دەپ حابارلايدى قازاقپارات ءتىلشىسى.

وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 5-جەلتوقسان، تۇنگى ساعات 00:00 دە بۋراباي اۋداندىق پ ب كەزەكشىلىك بولىمىنە جەرگىلىكتى تۇرعىن قوڭىراۋ شالىپ، بۋراباي كەنتىندەگى كوپقاباتتى تۇرعىن ۇيلەردىڭ بىرىندەگى پاتەردە ءوزى ادام ولتىرگەنىن ايتقان.

«حابارلانعان مەكەنجايعا جەتكەن جەدەل- تەرگەۋ توبى زورلىقپەن ولتىرىلگەن 4 ايەلدىڭ دەنەسىن تاپتى. ءتارتىپ ساقشىلارى بۋراباي كەنتىنىڭ بۇرىن ۇرلىق ءۇشىن بىرنەشە رەت سوتتى بولعان 28 جاستاعى تۇرعىنىن ۇستادى. وقيعانىڭ ءمان- جايى انىقتالىپ جاتىر. كۇدىكتى ۋاقىتشا ۇستاۋ وقشاۋلاعىشىنا قامالىپ، قىلمىستىق كودەكستىڭ 99-بابى بويىنشا تەرگەپ- تەكسەرۋ امالدارى باستالدى»، - دەدى ۆەدومستۆودان.