«س ق- فارماتسيانىڭ» 4 وڭىرگە ارنالعان قويماسىندا ءدارى- دارمەك تابىلماي قالدى
«س ق- فارماتسيا» ج ش س- ءنىڭ اقتوبەدەگى قويماسى باتىس وڭىرىندەگى وبلىستار ءۇشىن ماڭىزدى نىسان. مۇندا 4 وبلىسقا قاجەتتى ءدارى- دارمەكتى ساقتاۋ قويماسى بار. ق ر سىبايلاس جەمقورلىققا قارسى ءىس- قيمىل اگەنتتىگى سەرىكتەستىك دەپارتامەنتىنىڭ ديرەكتورى راسۋل مەدەتوۆ جانە اگەنتتىك جانىنداعى رەسپۋبليكالىق ارنايى مونيتورينگىلىك توپ ءتوراعاسىنىڭ ورىنباسارى رافاەل گاسانوۆ وڭىرگە جۇمىس ساپارىمەن كەلىپ، مونيتورينگ جۇرگىزدى. تەكسەرۋ كەزىندە «س ق- فارماتسيا» قويماسىندا ۆيرۋسقا قارسى «اۆيفاۆير» پرەپاراتى تابىلمادى. ونىمەن قوسا، «س ق- فارماتسيا» ج ش س- ءنىڭ فيليال وكىلى نۇرلان جۇبانىشيەۆ كوپتەگەن ءدارى- دارمەك اۋرۋحانالارعا جەتكىزىلىپ قويعانىن ايتقانىمەن، سوڭعى پارتيالار قايدا جانە قانداي مولشەردە جەتكىزىلگەنى تۋرالى سۇراققا جاۋاپ بەرە المادى. وسىدان كەيىن باتىستىڭ 4 ءوڭىرى - اقتوبە، باتىس قازاقستان، اتىراۋ جانە ماڭعىستاۋ وبلىستارىنا قاجەتتى ەكى ايلىق ءدارى قورىنىڭ جاساقتالعانىنان قاتىستى كۇمان تۋىنداعان.
«جۇمىس توبى الدىمەن اقتوبە مەديتسينا ورتالىعىنا باردى. مەديتسينا ورتالىعىنىڭ قويماسىن كورىپ، ءدارى- دارمەك قورىنىڭ جاعدايىمەن تانىستى. نەگىزىنەن «سق - فارماتسيا» سەرىكتەستىگىنەن ساتىپ العان 37 ءتۇرلى ءدارى بارلىق اۋرۋحانانىڭ قويماسىندا بولۋى قاجەت. الايدا، مونيتورينگ بارىسىندا مەديتسينا ورتالىعىنىڭ قويماسىندا 8 ءتۇرلى ءدارى تابىلمادى»،- دەدى «اقتوبە - ادالدىق الاڭى» جوبالىق كەڭسەسىنىڭ باسپا ءسوز قىزمەتىنەن.
ايتا كەتەيىك، بيىلعى 19 -قازاندا ق ر سىبايلاس جەمقورلىققا قارسى ءىس- قيمىل اگەنتتىگىندە وتكەن اپپارات كەڭەسىندە «س ق- فارماتسيا» باسقارما ءتوراعاسى ەرحات ەسقاليەۆ كوروناۆيرۋستىڭ ەكىنشى تولقىنىنا تولىق دايىن ەكەندىكتەرىن جانە قاجەتتى ءدارى- دارمەكتەردىڭ ەكى ايلىق قورى جاساقتالعانىن ءمالىم ەتكەن بولاتىن.
ە. ەسقاليەۆ ءوز سوزىندە 5,9 ميلليارد تەڭگەگە 37 ءتۇرلى اتاۋ بويىنشا ءدارى- دارمەك ساتىپ الىنعانىن ايتتى. ءدال سول جيىندا سىبايلاس جەمقورلىققا قارسى قىزمەتتىڭ باسشىسى اليك شپەكبايەۆ پرەزيدەنت قاسىم- جومارت توقايەۆتىڭ تاپسىرماسى بويىنشا كوروناۆيرۋستىڭ ەكىنشى تولقىنىنا دايىندىق دارەجەسىن انىقتاۋعا باعىتتالعان قوعامدىق باقىلاۋ جۇرگىزىلەتىندىگىن جەتكىزگەن ەدى.
«ەسكە سالايىق، كوروناۆيرۋستىڭ العاشقى تولقىنى كەزىندە انتيكور قىزمەتكەرلەرى قوعام بەلسەندىلەرىمەن بىرگە 2500 دەن استام ءدارىحانادا Covid-19-عا قارسى ءدارى- دارمەكتەردىڭ بولۋىن جانە وسى دارىلەردىڭ باعالارىنىڭ شەكتى باعادان اسپاۋىن تەكسەردى. 400 گە جۋىق قويمادا مونيتورينگ جۇرگىزىلدى، سونىمەن قاتار «س ق- فارماتسيانىڭ» نۇر- سۇلتان، الماتى، اقتوبە جانە شىمكەنت قالالارىنداعى 4 نەگىزگى حابى تەكسەرىلدى، - دەلىنگەن حابارلامادا.