ەلوردانىڭ اۋەجايىنان 4 ادام دەپورتاتسيالاندى
«ءبىر تاۋلىكتىڭ ىشىندە نۇر-سۇلتان قالاسىنىڭ اۋەجايىنا Air Astana، Turkish Airlines، Belavia جانە Flydubai اۋەكومپانيالارىنىڭ 5 ۇشاعى قوندى. بورتتا ەكيپاج مۇشەلەرىن قوسا ەسەپتەگەندە 573 جولاۋشى بولدى. 132 جولاۋشىدا پ ت ر- تەستىلەۋ انىقتاماسى بولماعاندىقتان كارانتين ستاتسيونارىنا ورنالاستىرىلدى. 4 جولاۋشى دەپورتاتسيالاندى»، - دەپ حابارلايدى نۇرسۇلتان نازاربايەۆ حالىقارالىق اۋەجايىنان.
ايتا كەتەيىك، كۇن سايىن ەلورداعا شەتەلدەن ۇشىپ كەلگەن 100 دەن اسا جولاۋشى كارانتين ستاتسيونارىنا جاتقىزىلۋدا. كۇنى كەشە استاناعا 789 ادام ۇشىپ كەلىپ، پ ت ر- تەست انىقتاماسى بولماعاندىقتان ونىڭ ىشىندە 150 ى كارانتينگە جاتقىزىلعان ەدى. نۇرسۇلتان نازاربايەۆ حالىقارالىق اۋەجايى مەملەكەتتىك ورگاندارمەن بىرگە كوروناۆيرۋس ينفەكسياسىنىڭ الدىن الۋ ءۇشىن ناقتى شارالار كەشەنىن جۇزەگە اسىرۋدا:
● جولاۋشىلار مىندەتتى تۇردە تەرمومەتريادان ءوتۋى كەرەك. ول ءۇشىن تەپلوۆيزورلىق سمارت- كامەرالار قولدانىلادى.
● جولاۋشىلار تەرمينالىندا تاۋلىك بويى سانيتارلىق- كارانتيندىك بەكەت بريگادالارى كەزەكشىلىكتە جۇرەدى.
● ىشكى جانە حالىقارالىق رەيستەردە ۇشۋ جانە قونۋ اۋماعىتارىندا جولاۋشىلارعا ارنالعان سانيتايزەرلەر ورناتىلعان.
● جولاۋشىلاردى تىركەۋ، سونىمەن قاتار نۇرسۇلتان نازاربايەۆ حالىقارالىق اۋەجايىنىڭ اۋماعىندا 1,5 متەرلىك الەۋمەتتىك قاشىقتىقتى قامتاماسىز ەتۋ ءتارتىبى ەدەندە ناقتى سىزبامەن كورسەتىلگەن.
● اۋەجايدىڭ ىشكى اۋماعىن ارنايى دەزينفەكسيالىق قۇرالداردى پايدالانا وتىرىپ، سانيتارلىق وڭدەۋ جيىلىگى ارتتى. ۆيرۋسقا قارسى بەلسەندىلىككە يە انتيسەپتيك قولدانىلادى.
● نۇرسۇلتان نازاربايەۆ حالىقارالىق اۋەجايىنا كەلەتىن اۋە كەمەلەرىنىڭ ءبارى دە دەزينفەكسيالىق وڭدەۋدەن وتەدى. سونىمەن قاتار تۇراقتى تۇردە جولاۋشىلارعا قىزمەت كورسەتەتىن تەحنيكادا دەزينفەكسيالىق جۇمىستار جۇرگىزىلەدى.
● كوروناۆيرۋس ينفەكسياسىنىڭ تارالۋىنىڭ الدىن الۋ بويىنشا اۋەجاي قىزمەتكەرلەرىمەن نۇسقاۋلىق جۇرگىزىلەدى.
اۆتور: ايان بەكەن ۇلى